ព័ត៌មានអន្ដរជាតិ

ក្រុមអ្នកវិនិយោគមួយទិញព្រលានយន្តហោះស៊ីដនីតម្លៃ១៧.៥ប៊ីលានដុល្លារ

បានផុស

៣ years មុន

នៅ

ថ្ងៃចន្ទ ៨ វិច្ឆិកា ២០២១

ដោយ

ក្រុមវិនិយោគព្រលានយន្តហោះស៊ីដនី (Sydney Airport) របស់ប្រទេសអូស្ត្រាលីបានយល់ព្រមលើសំណើរដេញថ្លៃទិញព្រលានរបស់ខ្លួនក្នុងតម្លៃ១៧.៥ប៊ីលានដុល្លារអាមេរិកពីក្រុមអ្នកវិនិយោគ។

ប្រសិនបើ កិច្ចព្រមព្រៀងចប់សព្វគ្រប់ វានឹងក្លាយជាការលក់-ទិញធំបំផុតមិនធ្លាប់មានរបស់ប្រទេសអូស្ត្រាលី។ កិច្ចព្រមព្រៀងបានកើតឡើង បន្ទាប់ពីសម្ព័ន្ធអាកាសចរណ៍ស៊ីដនី (SAA) បានឡើងការដេញថ្លៃរបស់ខ្លួនដើម្បីឆ្លើយតបនឹងម្ចាស់របស់ព្រលានដែលបានបដិសេធនូវទំហំទឹកប្រាក់ដេញថ្លៃលើកមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា ការលក់ដែលស្នើឡើងនេះប្រឈមនឹងបញ្ហាស្មុគស្មាញជាច្រើនដែលមានន័យថា ដំណើរការលក់-ទិញត្រូវចំណាយពេលច្រើនខែទើបអាចចប់សព្វគ្រប់។

លោក David Gonski អគ្គនាយកប្រលានយន្តហោះស៊ីដនីបាននិយាយក្នុងសេចក្តីថ្លែងការណ៍មួយទៅកាន់ផ្សារហ៊ុនថា ៖«ក្រុមប្រឹក្សាភិបាលព្រលានយន្តហោះស៊ីដនីជឿថា នេះឆ្លុះបញ្ចាំងពីលទ្ធផលរយៈពេលវែងសម្រាប់ព្រលាន និងផ្តល់អនុសាសន៍ជាឯកច្ឆន្ទចំពោះសំណើរទៅកាន់ម្ចាស់គ្រប់គ្រង ដែលស្ថិតក្រោមលក្ខខណ្ឌជាទម្លាប់ដូចជា ឯកភាពរបស់អ្នកជំនាញឯករាជ្យ និងគ្មានសំណើរឧត្តមភាព»។

សេចក្តីប្រកាសនៃកិច្ចព្រៀមសម្រាប់ប្រតិបត្តិករព្រលានយន្តហោះធំបំផុតរបស់ប្រទេសអូស្ត្រាលីបានកើតឡើងក្នុងរយៈពេលយ៉ាងខ្លី បន្ទាប់ពីប្រទេសនេះបានបើកការហោះហើរអន្តរជាតិឡើងវិញ។

SAA ត្រូវបានបង្កើតឡើងដោយក្រុមហ៊ុនអូស្ត្រាលី IFM Investors, QSuper និង AustralianSuper ព្រមទាំងដៃគូ Global Infrastructure Partners នៅសហរដ្ឋអាមេរិក៕

ប្រែសម្រួល៖ វីរបុត្រ
ប្រភព៖ BBC

Related Topics: