ព័ត៌មានអន្ដរជាតិ

នេះតម្លៃប្រេងកើនឡើងថ្ងៃនេះ បន្ទាប់ពីកើនឡើងម្សិលមិញ

បានផុស

៣ years មុន

នៅ

ថ្ងៃពុធ ១០ វិច្ឆិកា ២០២១

ដោយ

តម្លៃប្រេងនៅបន្តឡើងថែមទៀតនៅថ្ងៃពុធនេះ ហើយនាយកប្រតិបត្តិរបស់ក្រុមហ៊ុនយក្ស Vitol Group បានឲ្យដឹងថា លទ្ធភាពអាចកើនឡើងរហូតដល់១០០ដុល្លារអាមេរិកក្នុង១បារ៉ែលសម្រាប់ឆ្នាំ២០២២ខាងមុខ។

តម្លៃប្រេងឆៅរបស់ក្រុមហ៊ុនអាមេរិក U.S. West Texas Intermediate (WTI) បានឡើងថ្លៃ២៣សេន ឬ០.៣%ក្នុងមួយបារ៉ែល ដែលមានតម្លៃ៨៤.៣៨ដុល្លារ បន្ថែមលើការឡើង២.៧%កាលពីថ្ងៃអង្គារ។

ប្រេងឆៅ Brent បានឡើងថ្លៃ៣៦សេន ឬ០.៤% ក្នុងមួយបារ៉ែល ដែលមានតម្លៃ៨៥.១៤ដុល្លារ បន្ទាប់ពីឡើង១.៦%កាលពីថ្ងៃអង្គារ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរឹតបន្តឹងការស្តុកប្រេងទុកជាសកលបានជំរុញឲ្យតម្លៃប្រេងឆៅកាន់តែឡើងថ្លៃកាលពីប៉ុន្មានខែមុន ហើយទិន្នន័យថ្មីបំផុតពីវិទ្យាស្ថានប្រេងអាមេរិក (API) បានបញ្ជាក់ពីទិដ្ឋភាពនៃការផ្គត់ផ្គង់នៅតែត្រូវការ។

យោងតាមប្រភពទីផ្សារបង្ហាញថា ទិន្នន័យបានបង្ហាញការស្តុកទុកប្រេងឆៅអាមេរិកបានធ្លាក់ចុះ២.៥លានបារ៉ែលសម្រាប់សប្តាហ៍ដល់ថ្ងៃទី៥ ខែវិច្ឆិកា ដែលផ្ទុយពីការប៉ាន់ស្មានរបស់អ្នកវិភាគសម្រាប់ការកើនឡើងប្រេងឆៅស្តុកទុកចំនួន២.១លានបារ៉ែលនៅក្នុងការស្ទង់មតិរបស់ Reuters មួយ។

ទីផ្សារនឹងរង់ចាំទិន្នន័យសារពើភណ្ឌប្រចាំសប្តាហ៍ពីរដ្ឋបាលព័ត៌មានថាមពលអាមេរិក (EIA) នៅថ្ងៃពុធដើម្បីឃើញថាតើវាបញ្ជាក់ពីការធ្លាក់ចុះក្នុងការស្តុកទុកប្រេងឆៅឬយ៉ាងណា។

ការគូសបញ្ជាក់បន្ថែមលើទិដ្ឋភាពទីផ្សារនៅតែតាន់តឹង នាយកប្រតិបត្តិរបស់ក្រុមហ៊ុនយក្ស Vitol Group លោក Russell Hardy បាននិយាយកាលពីថ្ងៃអង្គារ៍ថា តម្រូវការប្រេងបានវិលត្រឡប់ដូចទៅនឹងតម្រូវការមុនពេលកូវីដផ្ទុះឡើង ហើយនៅត្រីមាសទី១ឆ្នាំ២០២២ អាចនឹងកើនឡើងតម្រូវការលើសពីកម្រិតឆ្នាំ២០១៩។

លោកប្រាប់កិច្ចប្រជុំកំពូលស្តីពីទំនិញថា ៖«លទ្ធភាពអាចហក់ឡើងខ្ពស់ដល់១០០ដុល្លារក្នុងមួយបារ៉ែលគឺច្បាស់ណាស់»៕

ប្រែសម្រួល៖ វីរបុត្រ
ប្រភព៖ Reuters

Related Topics:តម្លៃប្រេង