ទេសចរ ខ្មែរ ដែលចាក់វ៉ាក់សាំង ចិន ទៅ អង់គ្លេស មិនចាំបាច់អនុវត្ត លក្ខខណ្ឌទាំងនេះឡើយ

យោងតាមរបាយការណ៍របស់ Reuters បានឲ្យដឹងថា រដ្ឋាភិបាលអង់គ្លេសបានបញ្ជាក់ថា ចាប់ពីថ្ងៃទី២២ ខែវិច្ឆិកា អ្នកដែលបានចាក់វ៉ាក់សាំងការពារជំងឺកូវីដ ១៩ ដែលស្ថិតក្នុងបញ្ជីអនុម័តប្រើប្រាស់បន្ទាន់របស់អង្គការសុខភាពពិភពលោក (WHO) នឹងត្រូវបានទទួលស្គាល់ និងអនុញ្ញាតឲ្យចូលប្រទេស ។

រដ្ឋាភិបាលអង់គ្លេសបញ្ជាក់ថា វ៉ាក់សាំងការពារជំងឺកូវីដ ១៩ ដែលស្ថិតក្នុងបញ្ជីអនុម័តប្រើប្រាស់បន្ទាន់របស់អង្គការសុខភាពពិភពលោក (WHO) នឹងត្រូវបានទទួលស្គាល់ និងអនុញ្ញាតឲ្យចូលប្រទេស រួមមានទាំងវ៉ាក់សាំងចិន Sinovac, Sinopharm និង Covaxin របស់ប្រទេសឥណ្ឌាផងដែរ ។

ការទទួលស្គាល់នេះនឹងធ្វើឲ្យវាកាន់តែងាយស្រួលសម្រាប់អ្នកធ្វើដំណើរដែលត្រូវបានចាក់វ៉ាក់សាំងពេញដូស ដើម្បីចូលទៅកាន់ចក្រភពអង់គ្លេសដោយមិនចាំបាច់ធ្វើចត្តាឡីស័កនៅផ្ទះ ។

គួរបញ្ជាក់ថា បច្ចុប្បន្នចក្រភពអង់គ្លេសនឹងទទួលស្គាល់វិញ្ញាបនបត្រវ៉ាក់សាំងដែលចេញដោយប្រទេសជាង ១៣៥ ក្នុងនោះក៏មាន កម្ពុជា ផងដែរ មានន័យថា អ្នកមកដល់នឹងមិនចាំបាច់ធ្វើតេស្តរកកូវីដមុនពេលចេញដំណើរ ធ្វើចត្តាឡីស័កនៅពេលមកដល់ ឬធ្វើតេស្តនៅថ្ងៃទី ៨ នៃការស្នាក់នៅរបស់ពួកគេនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Thaiger/Gov.UK

ចុចអាន ៖ អ្នកមិនចាក់វ៉ាក់សាំង រងហានិភ័យស្លាប់ ដោយសារ កូវីដ រហូតដល់ ១៦ ដង