ព័ត៌មានអន្ដរជាតិ

លោក ថាក់ស៊ីន លើកឡើងពីទោសជេរប្រមាថព្រះមហាក្សត្រធ្ងន់ធ្ងរពេក

បានផុស

៣ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា បានស្នើឲ្យកាត់បន្ថយទោសជាប់ពន្ធនាគារដែលមានរយៈពេល១៥ឆ្នាំពីបទជេរប្រមាថព្រះមហាក្សត្រដែលទំនងដូចជាផ្ទុយនឹងទស្សនៈរបស់លោកកាលពីមុន។

ការលើកឡើងរបស់លោកចុងក្រោយបំផុតបានផ្សាយនៅលើ Facebook គ្រុប CARE មានអ្នកនយោបាយជើងចាស់ដែលនៅភ្ជាប់ទំនាក់ទំនងជាមួយអតីតនាយករដ្ឋមន្ត្រី និងគណបក្សប្រឆាំងធំបំផុត ភឿថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថាក់ស៊ីន ដែលកាលសប្តាហ៍មុនថាគ្មានបញ្ហាទេសម្រាប់ច្បាប់ជេរប្រមាថព្រះមហាក្សត្របាននិយាយថា ការកាត់ទោសឲ្យជាប់ពន្ធនាគារអតិបរមា១៥ឆ្នាំសម្រាប់ការរំលោភមាត្រាទី១១២នៃក្រមព្រហ្មទណ្ឌគឺធ្ងន់ធ្ងរពេក។ ច្បាប់នេះគួរតែធ្វើវិសោធនកម្មលើទណ្ឌកម្មឲ្យតិចជាងនេះ។

«យើងត្រូវរកវិធីដើម្បីកុំឲ្យការដាក់ទោសធ្ងន់ធ្ងរពេក»។ លោកមានប្រសាសន៍ និងបន្ថែមថា អ្នកដែលជាប់ឃុំពីបទបជេរប្រមាថព្រះមហាក្សត្រត្រូវតែមានសិទ្ធិនៅក្រៅឃុំ។

លោក ថាក់ស៊ីន ដែលបានភៀសខ្លួនទៅក្រៅប្រទេសមុនពេលតុលាការកំពូលកាត់ទោសលោកក្នុងសំណំរឿងដីធ្លីកាលពីឆ្នាំ២០០៨បានសង្កត់ធ្ងន់ថា បញ្ហានេះពាក់ព័ន្ធនឹងការធានាយុត្តិធម៌។

លោកបានទទួលស្គាល់ថា លោកប្រហែលជាមិនទាន់យល់ច្បាស់គ្រប់គ្រាន់ចំពោះអ្វីដែលលោកបានលើកឡើងកន្លងមកអំពីមាត្រាទី១១២។ លោកក៏និយាយថា លោកគួរបញ្ជាក់បន្ថែមអំពីថាតើនរណាមានសិទ្ធិដាក់ពាក្យប្តឹងទៅប៉ូលិសនៅពេលមានបុគ្គលណាម្នាក់ជេរប្រមាថព្រះមហាក្សត្រ៕

ប្រែសម្រួល៖ វីរបុត្រ
ប្រភព៖ bangkokpos

Related Topics:ប្រទេសថៃ