មីយ៉ាន់ម៉ា​ ចោទ​ប្រកាន់​អ្នក​កាសែត​អាមេរិក​ពី​បទ ​ភេរវកម្ម

ប្រទេសមីយ៉ាន់ម៉ាដែលគ្រប់គ្រងដោយយោធា បានចោទប្រកាន់អ្នកកាសែតជនជាតិអាមេរិកម្នាក់ ពីបទបះបោរនិងអំពើភេរវកម្ម ដែលទោសនេះ ត្រូវជាប់ពន្ធនាគារអតិបរមាមួយជីវិត។

លោក Danny Fenster អាយុ៣៧ឆ្នាំដែលជានាយកគ្រប់គ្រងនៃកាសែត Frontier Myanmar ត្រូវបានឃុំខ្លួននៅអាកាសយានដ្ឋានអន្តរជាតិ យ៉ាំងហ្គោន កាលពីខែឧសភា។

អ្នកកាសែតក្នុងស្រុករាប់សិបនាក់ទៀត ក៏ត្រូវបានឃុំខ្លួនផងដែរចាប់តាំងពីរដ្ឋប្រហារ ខែកុម្ភៈមក។ ការកាត់ក្តីលោក Fenster លើការចោទប្រកាន់ទាំងនេះ គ្រោងនឹងចាប់ផ្តើមនៅថ្ងៃទី១៦ខែវិច្ឆិកា។

លោក​ត្រូវ​បាន​កាត់​ទោស​រួចទៅ​ហើយ ​ដោយ​ចោទ​ប្រកាន់​ថា​បាន​លើក​ទឹក​ចិត្ត​ឲ្យ​មាន​ការ​ប្រឆាំង​នឹង​យោធា ការ​បង្កើត​សមាគម​ដោយ​ខុស​ច្បាប់ និង​​បំពាន​ច្បាប់​អន្តោប្រវេសន៍។

ប៉ុន្តែ​បទ​ចោទ​ថ្មី​នេះ​គឺ​ធ្ងន់​ធ្ងរ​បំផុត ​ដែល​មាន​ទោស​អតិបរមា​ជាប់​ពន្ធនាគារ​អស់​មួយ​ជីវិត។ គេមិនច្បាស់ទេថាតើលោក Fenster ត្រូវបានចោទប្រកាន់ពីបទអ្វីខ្លះ៕

ប្រែសម្រួល៖ Vann Vann

ប្រភព៖ BBC

ចុចអាន៖ អង់គ្លេស ត្រៀមចេញច្បាប់ ដាក់គុកអ្នកកាសែត ១៤ឆ្នាំ បើផ្សាយព័ត៌មានធ្វើឲ្យរដ្ឋាភិបាល អាម៉ាស់មុខ