នៅ សិង្ហបុរី អ្នកមិនចាក់វ៉ាក់សាំង បើឆ្លងកូវីដ រដ្ឋលែងបង់ថ្លៃព្យាបាល ឲ្យហើយ

រដ្ឋាភិបាលបាននិយាយថា ប្រទេសសិង្ហបុរីនឹងឈប់បង់ថ្លៃព្យាបាលជំងឺកូវីដ ១៩ សម្រាប់ប្រជាជនដែលមិនបានចាក់វ៉ាក់សាំងទៀតហើយ ខណៈប្រទេសនេះកំពុងជួបនឹងការកើនឡើងករណីឆ្លងថ្មី ។

បច្ចុប្បន្នរដ្ឋាភិបាលបានបង់ថ្លៃព្យាបាលកូវីដពេញសម្រាប់ប្រជាជនសិង្ហបុរីទាំងអស់ ក៏ដូចជាអ្នកស្នាក់នៅអចិន្ត្រៃយ៍ និងអ្នកកាន់ទិដ្ឋាការរយៈពេលវែង លុះត្រាតែពួកគេធ្វើតេស្តវិជ្ជមានភ្លាមៗ បន្ទាប់ពីត្រឡប់មកពីបរទេសវិញ ។

ទោះយ៉ាងណាចាប់ពីថ្ងៃទី ៨ ខែធ្នូ រដ្ឋាភិបាលបាននិយាយថា ខ្លួននឹងចាប់ផ្តើមគិតថ្លៃព្យាបាលអ្នកជំងឺកូវីដដែលមិនបានចាក់វ៉ាក់សាំងទៅតាមជម្រើស ។

ប៉ុន្តែច្បាប់ដែលទាក់ទងនឹងកូវីដនឹងនៅតែត្រូវបានបង់សម្រាប់អ្នកដែលមិនមានសិទ្ធិទទួលបានការចាក់វ៉ាក់សាំង។ រដ្ឋាភិបាល​ក៏​នឹង​កំណត់​ច្បាប់​នេះ​ សម្រាប់​បុគ្គល​ដែល​បាន​ចាក់​វ៉ាក់សាំងតែមួយដូសផងដែរ ​រហូត​ដល់​ថ្ងៃ​ទី ៣១ ខែ​ធ្នូ ដោយ​ទុក​ពេល​ឲ្យ​ពួកគេ​ទទួល​បាន​ការ​ចាក់ដូសទី ២ ។

ប៉ុន្តែប្រទេសមួយនេះក៏កំពុងតស៊ូជាមួយនឹងការកើនឡើងនៃករណីឆ្លងកូវីដផងដែរ ហើយកាលពីខែមុនបានព្រមានថា ប្រព័ន្ធថែទាំសុខភាពរបស់ខ្លួនកំពុងរងហានិភ័យនៃអ្នកជំងឺលើសលុប ដោយសារករណីកើនឡើង ។

ទន្ទឹមនោះ ច្បាប់នេះបានកើតឡើងមួយថ្ងៃ បន្ទាប់ពីសិង្ហបុរីបានពង្រីកការធ្វើដំណើរដោយគ្មានការធ្វើចត្តាឡីស័ក ដែលជាផ្នែកនៃការផ្លាស់ប្តូរវិធីសាស្រ្តរបស់ខ្លួនក្នុងការដោះស្រាយជំងឺរាតត្បាត ក៏ដូចជារៀនរស់នៅជាមួយកូវីដជាដើម ។

គួរបញ្ជាក់ថា សិង្ហបុរី ក៏ជាប្រទេសមួយដែលមានអត្រាចាក់វ៉ាក់សាំងខ្ពស់បំផុតក្នុងពិភពលោកផងដែរ ដោយគិតត្រឹមពេលនេះ ៨៥ ភាគរយនៃចំនួនប្រជាជនរបស់ពួកគេបានចាក់វ៉ាក់សាំងពេញដូស ៕

ប្រែសម្រួលដោយ ៖ ជីវ័ន្ត

ប្រភព ៖ The Guardian

ចុចអាន ៖ សិង្ហបុរី កំពុងជួបរលកឆ្លងកូវីដច្រើន និងលឿនខុសធម្មតា មិនធ្លាប់មាន