ព័ត៌មានអន្ដរជាតិ

៧នាក់ស្លាប់ ដោយសារជំនន់ទឹកភ្លៀងនៅភាគខាងត្បូងប្រទេសថៃ

បានផុស

៤ years មុន

នៅ

ថ្ងៃសុក្រ ៤ ធ្នូ ២០២០

ដោយ

ចំនួនអ្នកស្លាប់ដោយសារជំនន់ទឹកភ្លៀងនៅភាគខាងត្បូងប្រទេសថៃ ត្រូវគេរាយការដំបូង គឺមានចំនួន ៧នាក់ ខណៈលំនៅឋានរាប់សែនខ្នង ក្នុងខេត្ត ៩ ដែលរងគ្រោះធ្ងន់ធ្ងរបំផុត បានលិចលង់ដោយទឹកជំនន់។ នេះបើយោងតាមរបាយការណ៍បឋមនាយកដ្ឋានគ្រប់គ្រង និងការពារគ្រោះមហន្តរាយប្រទេសថៃ DDPM។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ដដែល ៤នាក់ ក្នុងចំណោមអ្នកស្លាប់ ៧នាក់ គឺស្ថិតក្នុងខេត្ត Nakhon Si Thammarat ដែលរងគ្រោះធ្ងន់ធ្ងរជាងគេ ពោលចាប់តាំងពីភ្លៀងបង្អុលធ្លាក់យ៉ាងខ្លាំងកាលពីថ្ងៃ ២៥ វិច្ឆិកា រហូតមកទល់និងពេលនេះ។

លោក Pithakpol Boonyamalik មន្ត្រីអធិការកិច្ចនៃក្រសូងសុខភាពសាធារណៈប្រទេសថៃ បាននិយាយថា ពិតណាស់ខេត្តភាគខាងត្បូង គឺរងគ្រោះធ្ងន់ធ្ងរខ្លាំង ប៉ុន្តែពេលនេះស្ថានភាពទឹកជំនន់ ចាប់ផ្តើមមានស្ថិរភាព ខណៈការខូតខាតទ្រព្យសម្បត្តិ និងការឆ្លើយតបបន្ទាប់ ត្រូវបានចាប់ផ្តើមសម្រាប់ជួយដល់ពលរដ្ឋរងគ្រោះ។ លោកថា ការស្តារហេដ្ឋារចនាសម្ព័ន្ធ និងបណ្តាញទូរគមនាគមន៍ ពិសេសលំនៅឋានពលរដ្ឋ នឹងត្រូវធ្វើចន្លោះ ៣-៤ ថ្ងៃក្រោយទឹកស្រក់វិញ៕

ប្រែសម្រួល៖ សុភា
ប្រភព៖ Bangkok Post