ព័ត៌មានអន្ដរជាតិ

វៀតណាម ដាក់បណ្តឹងព្រហ្មទណ្ឌប្រឆាំងបុរសចម្លងកូវីដ ១៩ ចូលសហគមន៍ពលរដ្ឋនៅហូជីមីញ

បានផុស

៤ years មុន

នៅ

ថ្ងៃសុក្រ ៤ ធ្នូ ២០២០

ដោយ

មិនខុសគ្នាពីកម្ពុជា ប៉ុន្មានថ្ងៃចុងក្រោយនេះ វៀតណាម ក៏មានការឆ្លងរាតត្បាតជំងឺកូវីដ ១៩ ចូលសហគមន៍ពលរដ្ឋជាថ្មី បើទោះជាស្ថានភាពធូរស្រាលជាងកម្ពុជាក៏ពិតមែន ប៉ុន្តែបានធ្វើឲ្យប្រទេសជាប់កម្ពុជាមួយនេះ កើនអត្រាអ្នកឆ្លងក្នុងសហគមន៍ជាបន្តបន្ទាប់ ពលរដ្ឋជាច្រើនត្រូវ ដាក់ឲ្យធ្វើចត្តាឡីស័ក ខណៈគ្រឹះស្ថានអប់រំទូទាំងទីក្រុងហូជីមីញ ត្រូវផ្អាកជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុនៅពីក្រោយការឆ្លងរាតត្បាតនេះ គឺផ្ទុះចេញពីបុរសបម្រើការលើយន្តហោះម្នាក់ បានបំពានការធ្វើចត្តាឡីស័ករបស់ក្រសួងសុខាភិបាល និងចម្លងជំងឺទៅកាន់គ្រូបង្រៀនភាសាអង់គ្លេសម្នាក់ ធ្វើឲ្យរាតត្បាតកូវីដ ១៩ ២នាក់ផ្សេងទៀត ក្នុងសហគមន៍ពលរដ្ឋវៀតណាមតែម្តង។

ក្រោយពិចារណាយ៉ាងល្អិតល្អន់ ប៉ូលិសក្រុងហូជីមីញ កាលពីថ្ងៃពុធ បានសម្រេចចិត្តប្តឹងបុរសប្រភពចម្លងកូវីដ ១៩ ខាងលើ ដែលជាអ្នកបម្រើក្រុមហ៊ុនអាកាសចរណ៍ Vietnam Airlines ដោយចោទពីបទរំលោភលើបទប្បញ្ញត្តិ អំឡុងពេលនៃធ្វើចត្តាឡីស័កនៅឯមជ្ឈមណ្ឌលធ្វើចត្តាឡីស័ករបស់ក្រុមហ៊ុនអាកាសចរណ៍ និងនៅផ្ទះ ដោយផ្អែកលើច្បាប់ព្រហ្មទណ្ឌរបស់ប្រទេសនេះ។

នារីបម្រើការលើយន្តហោះរូបនេះ បានត្រឡប់មកពីប្រទេសជប៉ុន នាថ្ងៃ ១៤ វិច្ឆិកា ហើយស្នាក់នៅកន្លែងធ្វើចត្តាឡីស័ករបស់ក្រុមហ៊ុន Vietnam Airlines បានត្រឹមរយៈពេល ៥ថ្ងៃប៉ុណ្ណោះ។

អំឡុងពេលធ្វើចត្តាឡីស័កនៅឯអាកាសយានដ្ឋាន រូបគេបានចូលទៅទាក់ទងជាមនុស្សមិត្តភ័ក្តិដែលជាអ្នកជំងឺកូវីដ ១៩ ឆ្លងក្រោយត្រឡប់មកពីប្រទេសរ៉ូមែននី ហើយបន្ទាប់ពីធ្វើតេស្តអវិជ្ជមាន ២លើក បុរសរូបនេះ ត្រូវគេអនុញ្ញាតបន្តធ្វើចក្តឡីស័កនៅផ្ទះ ដែលជាពេលរូបគេបានទាក់ទងជាមួយមនុស្ស ៣នាក់ ម្នាក់ជាម្តាយ និងមិត្តភ័ក្តិ ២នាក់ទៀត។

កាលពីថ្ងៃ ២៨ មន្ត្រីសុខាភិបាលវៀតណាម បានធ្វើតេស្តលើបុរសរូបនោះជាលើកទី៣ ដោយរកឃើញវិជ្ជមានកូវីដ ១៩ នាំឲ្យមនុស្សពាក់ព័ន្ធទាំងអស់ត្រូវគេចាប់ធ្វើតេស្ត ដោយរកឃើញម្នាក់ជាគ្រូបង្រៀនភាសាអង់គ្លេសមានផ្ទុកកូវីដ ១៩ និងឆ្លងដល់សិស្សខ្លួន ២នាក់ ម្នាក់អាយុ ១ឆ្នាំ និងម្នាក់ទៀតអាយុ ២៨ឆ្នាំ នាំឲ្យពេលនេះវៀនណាម កើនតួលេខឆ្លងសរុប ១៣៤៩ករណី។

ចំពោះបុរសដែលជាមូលហេតុចម្លងក្នុងសហគមន៍ពលរដ្ឋវៀតណាម នឹងប្រឈមជាប់ទោសស្មើនឹងទោសព្រហ្មទណ្ឌ៕

ប្រែសម្រួល៖ សុភា
ប្រភព៖ Saigon Times

Related Topics:ប្រទេសវៀតណាម