មនុស្សទី ៣ ហើយ ដែលត្រូវសត្វដំរីព្រៃ ជាន់ស្លាប់ នៅក្បែរព្រំដែនខ្មែរ ក្នុងខេត្តច័ន្ទបុរី

នេះជាលើកទី៣ហើយ នៅក្នុងខែវិច្ឆិកានេះ ដែលមានករណីមនុស្សស្លាប់ដោយសារ សត្វដំរីព្រៃតាមជាន់សម្លាប់ នៅក្បែព្រំដែនកម្ពុជា។

ហេតុការណ៍នេះ បានកើតឡើងនៅយប់ថ្ងៃទី ១១ ខែវិច្ឆិកា ឆ្នាំ ២០២១ នេះ នៅភូមិ៧ ឃុំថាប់ឆាង ស្រុកសយដាវ ខេត្តច័ន្ទបុរី ប្រទេសថៃ ក្បែព្រំដែនស្រុកកំរៀង ខេត្តបាត់ដំបង។

គួរបញ្ជាក់ថាកាលពីដើមខែវិច្ឆិកា និងដើមសប្តាហ៍នេះ មានមនុស្សស្លាប់ចំនួន ២ នាក់ហើយ ដោយសារសត្វដំរីព្រៃដេញជាន់សម្លាប់។

ការជាន់សម្លាប់របស់សត្វដំរីព្រៃនេះ គឺបានសម្លាប់ទៅលើបុរសចំណាស់ម្នាក់ វ័យ ៧៦ ឆ្នាំ ដែលបានចូលទៅរករុក្ខជាតិផ្សេងៗនៅក្នុងព្រៃ ស្របពេលដែលសត្វដំរីព្រៃចេញរកចំណី ក៏ដេញជាន់សម្លាប់តែម្តង ព្រោះនៅកន្លែងកើតហេតុ មានស្លាកស្នាមដានជើងដំរីជាច្រើនផងដែរ ដែលបច្ចុប្បន្នអាជ្ញាធរបានប្រកាសដល់ប្រជាពលរដ្ឋ មិនឱ្យចូលទៅក្នុងព្រៃផ្តេសផ្តាស់ឡើយ៕

អត្ថបទ៖ សោ និយមរ័ត្ន