ព័ត៌មានអន្ដរជាតិ

ចិន ត្រៀមប្រើពេលតែ ៥ឆ្នាំ សង់ផ្លូវដែកប្រវែង ១០ ០០០គីឡូម៉ែត្រ

បានផុស

៤ years មុន

នៅ

ថ្ងៃសុក្រ ៤ ធ្នូ ២០២០

ដោយ

ប្រទេសចិន នឹងចាប់ផ្តើមសាងសង់ផ្លូវដែកដ៏វែងបំផុតមួយ ដោយមានប្រវែងរហូតដល់ ១ម៉ឺនគីឡូម៉ែត្រ ដើម្បីតភ្ជាប់ទីក្រុងសំខាន់តាមរយៈផ្លូវដែក ក្នុងនៅមានទីក្រុងតាមបណ្តោយទន្លេយ៉ាងស៊ី (Yangtze River Delta) តំបន់ Greater Bay និងទីក្រុងប៉េកាំង-ធៀនជីន-ហឺប៉ី។ នេះបើតាមការអះអាងពីមន្ត្រីទទួលរៀបចំគម្រោងនៃរដ្ឋាភិបាលចិន ប្រកាសនៅថ្ងៃសុក្រនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Greater Bay ជាតំបន់ដ៏សំខាន់មួយនៃសេដ្ឋកិច្ចប្រទេសចិនទាំងមូល ក្នុងនោះមានទីក្រុងហុងកុង ម៉ាកាវ និងទីក្រុងធំៗសរុប ៩ទៀត នៃខេត្តក្វាងទុង ដោយគម្រោងសាងសង់ផ្លូវដែក ១ម៉ឺនគីឡូម៉ែត្រនេះ គឺធ្វើឡើងត្រឹមរយៈពេល ៥ឆ្នាំប៉ុណ្ណោះ។

តាមផែនការមេ ចិនគ្រោងពង្រីកប្រព័ន្ធផ្លូវដែករបស់ខ្លួនឲ្យក្លាយជាប្រព័ន្ធផ្លូវដែកធំបំផុតទី២ លើផែនដី ខណៈ ១/៣ នៃគម្រោង ត្រូវប្រើពេល ១៥ឆ្នាំ ខណៈផ្នែកសេសសល់គឺស្ថិតក្នុងផែនការរយៈពេលវែងដើម្បីធ្វើនគរូបនីយកម្ម និងជំរុញសេដ្ឋកិច្ចក្នុងតំបន់។

ចិនមានចេតនា សាងសង់ផ្លូវដែកសរុបឲ្យបាន ២សែនគីឡូម៉ែត្រ ត្រឹមឆ្នាំ ២០៣៥ ក្នុងនោះរាប់បញ្ចូលទាំង ៧ម៉ឺនគីឡូម៉ែត្រ ជាផ្លូវរថភ្លើងល្បឿនលឿន។ នេះបើតាមការបញ្ជាក់ពីសម្ព័ន្ធក្រុមហ៊ុនផ្លូវដែករបស់រដ្ឋាភិបាលចិន៕

ប្រែសម្រួល៖ សុភា
ប្រភព៖ Reuters