ព័ត៌មានអន្ដរជាតិ

អ្នកជំនួញអាមេរិកដែលទើបទៅកាន់លំហអាវកាសខែមុនស្លាប់ដោយធ្លាក់យន្តហោះ

បានផុស

៣ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

អ្នកជំនួញអាមេរិក លោក Glen de Vries ដែលបានធ្វើដំណើរទេសចរណ៍ទៅកាន់ទីលំហអាវកាសជាមួយតារាសម្តែងក្នុងរឿង “Star Trek” លោក William Shatner កាលពីខែមុនបានស្លាប់ក្នុងឧបទ្ទវហេតុធ្លាក់យន្តហោះ។ នេះបើតាមប៉ូលិសបាននិយាយនៅថ្ងៃសុក្រ ទី១២ ខែវិច្ឆិកា។

អ្នកនាំពាក្យប៉ូលិសរដ្ឋ New Jersey បានឲ្យថា យន្តហោះខ្នាតតូចបានធ្លាក់នៅ Hampton Township ក្នុងរដ្ឋ New Jersey ដែលមានចម្ងាយប្រហែល៩៥គីឡូម៉ែត្រពីភាគខាងលិចទីក្រុងញ៉ូវយ៉កប្រហែលជាម៉ោង៣រសៀលថ្ងៃព្រហស្បតិ៍ (ម៉ោងនៅអាមេរិក)។

លោក Glen de Vries ពេលធ្វើដំណើរទៅកាន់ទីលំហអាវកាសខែមុន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងប៉ូលិសបានឲ្យដឹងថា ៖«មានអ្នកស្លាប់ពីរនាក់ដែលត្រូវបានបញ្ជាក់។ ទី១ឈ្មោះ de Vries អាយុ៤៩ឆ្នាំ និងទី២ឈ្មោះ Thomas Fischer អាយុ៥៤ឆ្នាំ»។

លោកបន្ថែមថា ៖«រដ្ឋបាលអាកាសចរណ៍សហព័ន្ធ (FAA) នឹងធ្វើការស៊ើបអង្កេត» ប៉ុន្តែមិនបានបញ្ជាក់កំអិតទេ។

លោក De Vries ជាស្ថាបនិកក្រុមហ៊ុនស្រាវជ្រាវវេជ្ជសាស្ត្រ Medidata Solutions បានចូលរួមជាមួយតារាសម្តែង Shatner ក្នុងការធ្វើដំណើរកម្សាន្តទៅកាន់ទីលំហអាវកាសលើកទី២របស់បេសកកម្ម Blue Origin កាលពីថ្ងៃទី១៣ ខែតុលា៕