ជនជាតិរុស្ស៊ីរូបណាមិនចាក់វ៉ាក់សាំងកូវីដ គ្មានសិទ្ធិទិញគ្រឿងស្រវឹងបានទេ

ក្នុងពេលឆាប់ៗនេះ ជនជាតិរុស្ស៊ីរូបណាដែលមិនចាក់វ៉ាក់សាំងការពារជំងឺកូវីដ-១៩ ប្រហែលជាគ្មានសិទ្ធិទិញគ្រឿងស្រវឹងបានទេ។

ក្រុមការងារមួយ ដែលត្រូវបានបង្កើតឡើងដើម្បីបញ្ឈប់ការរីករាលដាលនៃមេរោគឆ្លង នៅក្នុងតំបន់ Sverdlovsk កំពុងពិចារណារារាំង ការលក់គ្រឿងស្រវឹងដល់មនុស្សមិនមាន QR code ដែលបង្ហាញថា ពួកគេបានចាក់វ៉ាក់សាំងរួចរាល់។
សម្រាប់វិធានការថ្មីពីអាជ្ញាធរមូលដ្ឋាន, អ្នកចង់ផឹកស្រា ប្រហែលជាត្រូវបង្ហាញថា ពួកគេបានចាក់វ៉ាក់សាំងរួចរាល់។
លោក Artyom Bakhterev រដ្ឋមន្ត្រីប្រចាំតំបន់កសិឧស្សាហកម្មមួយនេះ បានប្រកាសពីការធ្វើបច្ចុប្បន្នភាពតាមរយៈបណ្តាញ Telegram របស់ខ្លួន។

លោកនិយាយថា “យើងដឹងពីគំនិតផ្តួចផ្តើមរបស់អ្នកចូលរួមទីផ្សារ ដើម្បីបញ្ចូល QR code សម្រាប់ការទិញគ្រឿងស្រវឹង។ យើងត្រៀមខ្លួនរួចជាស្រេចដើម្បីពិភាក្សាអំពីវិធានការនេះ ជាមួយសហការីនិងអ្នកជំនាញនៅក្នុងកិច្ចប្រជុំបន្ទាប់ នៃទីស្នាក់ការកណ្តាលប្រតិបត្តិការ”។

លោកថា គំនិតផ្ដួចផ្ដើមនេះ អាចលើកទឹកចិត្តប្រជាជនឲ្យទទួលបានថ្នាំបង្ការ និងជំរុញពួកគេឲ្យញ៉ាំគ្រឿងស្រវឹងតិច។
គួរបញ្ជាក់ថា ចាប់តាំងពីថ្ងៃទី១៨ខែតុលាមក តំបន់ជាច្រើននៅក្នុងប្រទេសនេះ បានដាក់ការរឹតបន្តឹងដើម្បីដោះស្រាយវិបត្តិមេរោគឆ្លង តាមរយៈប្រព័ន្ធ QR code៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ទីក្រុងហូជីមិញ កំពុងស៊ើបរកមុខអ្នកលក់ថ្នាំកូវីដ Molnupiravir ខុសច្បាប់លើអនឡាញ

ចុចអាន៖ ស្រាយចម្ងល់! នេះរបៀបប្រើថ្នាំព្យាបាកូវីដ Molnupiravir និងថ្នាំរបស់ក្រុមហ៊ុន Pfizer