ផ្ទុះកូវីដចុងក្រោយបង្អស់នៅ ចិន រាលដាលពេញខេត្តចំនួន ២១ និងឆ្លងជាង ១,៣០០ ករណី

លោក Mi Feng អ្នកនាំពាក្យគណៈកម្មាធិការសុខភាពជាតិ (NHC) បាននិយាយនៅសន្និសីទសារព័ត៌មានមួយថា ការផ្ទុះឡើងនៃជំងឺកូវីដ១៩ ចុងក្រោយបង្អស់ នៅប្រទេសចិន បានឆ្លងដល់មនុស្សចំនួន ១,៣៧៩ នាក់ ក្នុងខេត្តចំនួន ២១ គិតត្រឹមល្ងាចថ្ងៃសុក្រ ហើយជាង ៣០០ ករណី ដែលបញ្ជាក់ ត្រូវបានចាកចេញពីមន្ទីរពេទ្យ។

លោក Mi បាន​និយាយ​ថា ជាមួយនឹងចំនួនករណីកូវីដ១៩ នៅទូទាំងពិភពលោក លើសពី ២៥០ លាន​នាក់ ប្រទេស​ចិន​កំពុង​ប្រឈម​មុខ​នឹង​បញ្ហាកាន់តែខ្លាំង ក្នុងការទប់ស្កាត់ករណីឆ្លងចូល។

ជា​ពិសេស​ ជាមួយ​ការ​មកដល់នៃរដូវរងា និងសីតុណ្ហភាពទាប វាមានការកើនឡើងហានិភ័យ​នៃ​អត្រាប្រេវ៉ាឡង់នៃកូវីដ និងជំងឺឆ្លងផ្លូវដង្ហើមផ្សេងទៀត​ ដូចជាគ្រុនផ្តាសាយក្នុងពេលតែមួយ។

ទោះយ៉ាងណា លោក Mi បាន​និយាយថា ​ប្រទេសចិននឹងប្រកាន់ខ្ជាប់នូវគោលនយោបាយ “សូន្យ-កូវីដ” ដែលមានន័យថា ​ការរកឃើញដំបូង ការឆ្លើយតបរហ័ស ការគ្រប់គ្រងច្បាស់លាស់ និងការព្យាបាលប្រកបដោយ​ប្រសិទ្ធភាព​នៃ​ករណីថ្មី ដើម្បីធានាថា គ្មាន​ការរាតត្បាតជា​ទ្រង់ទ្រាយ​ធំ ដែល​បណ្ដាល​មក​ពី​ករណី​នាំចូល ឬឆ្លង​ក្នុងស្រុកកើតឡើងនោះទេ ។

គួរ​បញ្ជាក់​ថា ​ទិន្នន័យពី NHC បានបង្ហាញ​ថា គិតត្រឹមថ្ងៃសុក្រ វ៉ាក់សាំងកូវីដជាង ២.៣៧ ពាន់​លាន​ដូស ​ត្រូវបានគ្រប់គ្រងនៅក្នុងប្រទេសចិន ជាមួយនឹងមនុស្សជាង ១.០៧ ពាន់​លាន​នាក់ ​ក្នុង​ចំណោម​ប្រជាជន ១.៤ ពាន់លាន​នាក់ របស់ខ្លួន​ ត្រូវបាន​ចាក់វ៉ាក់សាំង​ពេញលេញ៕

ប្រែសម្រួល៖ សាង ស្រីល័ក្ខ

ប្រភព៖GTN

ចុចអាន៖ទីបំផុត ចិន ដាក់បង្ហាញវ៉ាក់សាំងកូវីដ-១៩ បាញ់តាមមាត់ដំបូងបង្អស់លើលោក

ចុចអាន៖ទីក្រុងមួយនៅ ចិន តេស្តរកកូវីដលើអ្នកទស្សនា ៣ ម៉ឺននាក់ ឯលទ្ធផលមិនខុសបំណង