ព័ត៌មានអន្ដរជាតិ

អតីតព្រះនាង Mako និងស្វាមី ចាកចេញពី ជប៉ុន ទៅរស់នៅ អាមេរិក ក្នុងនាមជារាស្ត្រសាមញ្ញ

បានផុស

៣ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

អតីតព្រះនាង Mako និងស្វាមី Komuro Kei បានចាកចេញពីប្រទេសជប៉ុន ទៅកាន់សហរដ្ឋអាមេរិក កាលពីថ្ងៃអាទិត្យម្សិលមិញ ។ ខណៈពេលប្តីប្រពន្ធមួយគូនេះ នឹងរស់នៅក្នុងទីក្រុងញូវយ៉ក ហើយជួលផ្ទះល្វែងមួយដែលមិត្តរបស់ Komuro ជួយរៀបចំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូស្វាមីភរិយាថ្មីថ្មោងទាំងពីរនាក់ ដែលមានអាយុ ៣០ ឆ្នាំ បានចាកចេញពីអាកាសយានដ្ឋាន Haneda ដើម្បីចាប់ផ្តើមជីវិតថ្មីរបស់ពួកគេ ក្នុងទីក្រុងញូវយ៉ក ជាកន្លែងដែលលោក Kei Komuro ធ្វើការជាស្មៀននៅក្រុមហ៊ុនច្បាប់មួយ បន្ទាប់ពីបានបញ្ចប់ការសិក្សាពីសាលាច្បាប់ នៃសាកលវិទ្យាល័យ Fordham ជាមួយនឹងសញ្ញាប័ត្របណ្ឌិតក្នុងខែ ឧសភា ។

តាមពិតអតីតព្រះនាងជប៉ុនរូបនេះនិងស្វាមី គ្រោងនឹងចាកចេញទៅអាមេរិកតាំងពីយូរណាស់មកហើយ ប៉ុន្តែដោយសារតែជីតារបស់ព្រះនាង Mako និងព្រះបិតារបស់ព្រះចៅអធិរាជ Akishino គឺព្រះអង្គ Tatsuhiko Kawashima បានយាងសោយទិវង្គតកាលពីសប្តាហ៍មុន ហើយប្តីប្រពន្ធនេះ បានចូលរួមពិធីបុណ្យសពកាលពីថ្ងៃសៅរ៍ ។

គួរបញ្ជាក់ថា បុត្រីច្បងរបស់ព្រះចៅអធិរាជ Akishino និងមិត្តប្រុសបានរៀបការកាលពីថ្ងៃទី ២៦ ខែតុលា បន្ទាប់ពីមានភាពចម្រូងចម្រាស ជាច្រើនឆ្នាំជុំវិញជម្លោះហិរញ្ញវត្ថុពាក់ព័ន្ធនឹងព្រះមាតារបស់លោក Komuro Kei ដែលនាំឲ្យគូស្នេហ៍ទាំងពីរបោះបង់ចោលពិធីប្រពៃណីរៀបអភិសេករបស់ខ្សែរាជវង្ស ៕

ប្រែសម្រួល៖ សាង ស្រីល័ក្ខ

ប្រភព៖3.nhk

ចុចអាន៖អតីតព្រះនាង Mako និងស្វាមី ចាប់ផ្ដើមជីវិតថ្មីជារាស្ត្រសាមញ្ញលើទឹកដី អាមេរិក