ព័ត៌មានអន្ដរជាតិ
ក្រោយជួបលោកស៊ី ពេលនេះលោក បៃដិន និយាយថា បញ្ហាឯករាជ្យតៃវ៉ាន់ ទុកឲ្យតៃវ៉ាន់ ដោះស្រាយដោយខ្លួនឯង
ប្រធានាធិបតីសហរដ្ឋអាមេរិកលោក ចូ បៃដិន បាននិយាយយ៉ាងច្បាស់កាលពីល្ងាចថ្ងៃអង្គារថា លោកមិនបានលើកទឹកចិត្តដល់ “ឯករាជ្យ” របស់កោះតៃវ៉ាន់ទេ។
លោកបានលើកឡើងបែបនេះ ខណៈពេលរៀបរាប់អំពីវឌ្ឍនភាព ក្នុងអំឡុងកិច្ចពិភាក្សាអំពីបញ្ហាកោះនេះ ជាមួយសមភាគីចិនកាលពីល្ងាចថ្ងៃចន្ទ។

លោក បៃដិន បាននិយាយក្នុងរដ្ឋ New Hampshire ថា “ខ្ញុំបាននិយាយថា តៃវ៉ាន់ត្រូវតែសម្រេចចិត្ត មិនមែនយើងទេ។ យើងមិនលើកទឹកចិត្តឲ្យមានឯករាជ្យភាពឡើយ”។
ដោយសំដៅទៅច្បាប់ឆ្នាំ១៩៧៩ ដែលកំណត់វិធីសាស្រ្តរបស់អាមេរិកចំពោះកោះនេះ លោកបានលើកឡើងថា “យើងកំពុងលើកទឹកចិត្តឲ្យពួកគេធ្វើយ៉ាងពិតប្រាកដ នូវអ្វីដែលច្បាប់តៃវ៉ាន់ទាមទារ។ នោះហើយជាអ្វីដែលយើងកំពុងធ្វើ។ សូមពួកគេសម្រេចចិត្តដោយខ្លួនឯងទៅ”។

“យើងបានបញ្ជាក់យ៉ាងច្បាស់ថាយើងគាំទ្រច្បាប់តៃវ៉ាន់។ ឯករាជ្យភាពរបស់តៃវ៉ាន់ ទុកឲ្យតៃវ៉ាន់ធ្វើការសម្រេចចិត្តដោយខ្លួនឯង”។
គួរបញ្ជាក់ថា ការអះអាងរបស់លោក បៃដិន បានកើតឡើងមួយថ្ងៃ បន្ទាប់ពីលោក ស៊ី ប្រាប់លោក បៃដិន ថា ចិននឹងចាត់វិធានការយ៉ាងម៉ឺងម៉ាត់ ប្រសិនបើកងកម្លាំង គាំទ្រឯករាជ្យភាពតៃវ៉ាន់ ឆ្លងកាត់បន្ទាត់ក្រហម។

លោក ស៊ី បានព្រមានលោក បៃដិន ថា ការគាំទ្ររបស់សហរដ្ឋអាមេរិកចំពោះឯករាជ្យភាពរបស់តៃវ៉ាន់ ប្រៀបដូចនឹងការប្រលែងលេងជាមួយភ្លើង។
អាជ្ញាធរតៃវ៉ាន់បានព្យាយាមម្តងហើយម្តងទៀតដើម្បីពឹងផ្អែកលើសហរដ្ឋអាមេរិក សម្រាប់ឯករាជ្យ។ មនុស្សមួយចំនួននៅក្នុងសហរដ្ឋអាមេរិក មានបំណងប្រើប្រាស់តៃវ៉ាន់ដើម្បីគ្រប់គ្រង ចិន។ និន្នាការនេះមានគ្រោះថ្នាក់ខ្លាំងណាស់ ដូចជាកំពុងលេងជាមួយភ្លើងអ៊ីចឹង ហើយអ្នកដែលលេងភ្លើងនឹងត្រូវរលាក៕
ប្រែសម្រួល៖ Vann Vann
ប្រភព៖ CNN
ចុចអាន៖ លោក ស៊ី ប្រាប់ទៅ បៃដិន ៖ អាមេរិក កំពុងប្រលែងលេងជាមួយភ្លើង លើបញ្ហា កោះតៃវ៉ាន់

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ