ព័ត៌មានអន្ដរជាតិ
នាយកក្រុមហ៊ុន Amazon រងការចោទប្រកាន់ករណីរត់ពន្ធកញ្ឆា
ប៉ូលិសឥណ្ឌាបាននិយាយថា ពួកគេបានចោទប្រកាន់នាយកប្រតិបត្តិជាន់ខ្ពស់ នៃអង្គភាពក្នុងស្រុករបស់ Amazon.com ក្រោមច្បាប់គ្រឿងញៀន នៅក្នុងករណីនៃការចោទប្រកាន់ថា បានរត់ពន្ធកញ្ឆាតាមរយៈអ្នកលក់រាយតាមអ៊ីនធឺណិត។
ប៉ូលិសនៅរដ្ឋ Madhya Pradesh ភាគកណ្ដាល បានចាប់ខ្លួនបុរសពីរនាក់ជាមួយនឹងកញ្ឆា ២០ គីឡូក្រាម កាលពីថ្ងៃទី ១៤ ខែវិច្ឆិកា ហើយបានរកឃើញថា ពួកគេកំពុងប្រើប្រាស់គេហទំព័រ Amazon India ដើម្បីបញ្ជាទិញ និងរត់ពន្ធបន្ថែមនូវសារធាតុក្នុងបន្លំស្លឹក stevia ដែលជាជាតិផ្អែមធម្មជាតិទៅកាន់រដ្ឋឥណ្ឌាផ្សេងទៀត។
ប៉ូលិសរដ្ឋបាននិយាយនៅក្នុងសេចក្ដីថ្លែងការណ៍មួយថា នាយកប្រតិបត្តិនៃក្រុមហ៊ុន Amazon India ត្រូវបានគេដាក់ឈ្មោះថា ជាជនជាប់ចោទនៅក្រោមច្បាប់ស្ដីពីគ្រឿងញៀន និងសារធាតុចិត្តសាស្ត្រ ដោយសារភាពខុសគ្នានៃចម្លើយនៅក្នុងឯកសារដែលផ្តល់ដោយក្រុមហ៊ុន ក្នុងការឆ្លើយតបទៅនឹងសំណួររបស់ប៉ូលីស និងអង្គហេតុដែលបានរកឃើញដោយការពិភាក្សា។
ទោះយ៉ាងណា ប៉ូលិសមិនបានបង្ហាញថា តើនាយកប្រតិបត្តិប៉ុន្មាននាក់ ត្រូវបានចោទប្រកាន់នោះទេ។
ប៉ូលិសដែលធ្លាប់កោះហៅ និងនិយាយទៅកាន់នាយកប្រតិបត្តិក្រុមហ៊ុន Amazon ក្នុងសំណុំរឿងនេះ បានប៉ាន់ប្រមាណថា កញ្ឆាប្រហែល ១,០០០ គីឡូក្រាមដែលមានតម្លៃប្រហែល ១៤៨,០០០ ដុល្លារត្រូវបានលក់តាមរយៈ Amazon ។
ដោយឡែកក្រុមហ៊ុន Amazon បាននិយាយនៅក្នុងសេចក្ដីថ្លែងការណ៍មួយថា ខ្លួនមិនបានអនុញ្ញាតឲ្យមានការចុះបញ្ជី និងលក់ផលិតផលហាមឃាត់ស្របច្បាប់នោះទេ ដោយបន្ថែមថា ខ្លួននឹងចាត់វិធានការយ៉ាងតឹងរ៉ឹង ប្រឆាំងនឹងអ្នកលក់ក្នុងករណីមានការបំពានណាមួយ។
Amazon បាននិយាយអំពីការរត់ពន្ធកញ្ឆា ដែលត្រូវបានចោទប្រកាន់ថា “បញ្ហានេះត្រូវបានជូនដំណឹង ហើយយើងកំពុងស៊ើបអង្កេតវា” ។
គួរបញ្ជាក់ថា អាជ្ញាធរឥណ្ឌាក្នុងប៉ុន្មានឆ្នាំថ្មីៗនេះ បានបង្កើនកិច្ចខិតខំប្រឹងប្រែងរបស់ពួកគេ ក្នុងការបង្ក្រាបគ្រឿងញៀនខុសច្បាប់។ ចំណែកតារាសម្ដែងឥណ្ឌា និងបុគ្គលទូរទស្សន៍ល្បីៗជាច្រើននាក់ បានស្ថិតនៅក្រោមការត្រួតពិនិត្យពីមន្ត្រីគ្រឿងញៀន តាំងពីឆ្នាំមុន៕
ប្រែសម្រួល៖ សាង ស្រីល័ក្ខ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ