នាយករដ្ឋមន្រ្តីបារាំងឆ្លងកូវីដ ក្រោយជួបសមភាគី បែលហ្ស៊ិក

នាយករដ្ឋមន្រ្តីបារាំងលោក Jean Castex បានធ្វើតេស្តវិជ្ជមាន ជំងឺកូវីដ-១៩។

កាសែត Le Figaro បានរាយការណ៍ថា នៅពេលត្រឡប់ពីទីក្រុង ព្រុចសែល វិញកាលពីរសៀលថ្ងៃចន្ទបន្ទាប់ពីជួបជាមួយសមភាគីបែលហ្ស៊ិក Alexander De Croo, លោក Castex ក៏បានឲ្យដឹងផងដែរថា កូនស្រីម្នាក់របស់គាត់ ធ្វើតេស្តវិជ្ជមានជំងឺកូវីដ-១៩។

ចំណែកលោក De Croo នឹងត្រូវធ្វើតេស្តនៅថ្ងៃពុធនេះ ហើយនឹងនៅដាច់ដោយឡែករហូតដល់ចេញលទ្ធផលនៃការធ្វើតេស្តរបស់គាត់។

សមាជិកជាន់ខ្ពស់មួយចំនួននៃរដ្ឋាភិបាលបែលហ្ស៊ិក ក៏នឹងធ្វើចត្តាឡីស័កផងដែរ ដើម្បីចៀសវាងហានិភ័យណាមួយ។

គួរបញ្ជាក់ថា រដ្ឋមន្ត្រី​បារាំង​ក្នុង​គណៈប្រតិភូ​រួមមាន ​រដ្ឋមន្ត្រី​កងកម្លាំងប្រដាប់អាវុធ Florence Parly, រដ្ឋមន្ត្រី​មហាផ្ទៃ Gerald Darmanin, រដ្ឋមន្ត្រី​យុត្តិធម៌ Eric Dupond-Moretti និង​រដ្ឋលេខាធិការ​ទទួលបន្ទុក​កិច្ចការ​អឺរ៉ុប Clement Beaune៕

ប្រែសម្រួល៖ Vann Vann

ប្រភព៖ Xinhua

ចុចអាន៖ ក្តៅៗ បារាំង រកឃើញវីរុសកូវីដ១៩បំប្លែងខ្លួនថ្មីមួយប្រភេទ ដែលការធ្វើតេស្តតាមស្តង់ដាបច្ចុប្បន្នមិនអាចរកឃើញ