ព័ត៌មានអន្ដរជាតិ
ទឹកជំនន់នៅភាគខាងត្បូងប្រទេសថៃ ឆក់យកជីវិតមនុស្សអស់ជាច្រើននាក់
នៅក្នុងរយៈពេលថ្ងៃ ២ គឺចាប់តាំងពីថ្ងៃទី៣ ខែធ្នូ ឆ្នាំ២០២០ កន្លងទៅនេះ នៅភាគខាងត្បូងនៃប្រទេសថៃ គឺនៅក្នុងខេត្ត ណាខន ស៊ីថាំម៉ារ៉ាត បានទទួលរងនូវទឹកជំនន់យ៉ាងសាហាវជាទីបំផុត ដែលទឹកនេះបានហូរធ្លាក់ចេញពីតំបន់ភ្នំនានា ហើយបានហូរកាតទៅលើស្រុកចំនួន ២០ នៅក្នុងចំណោមស្រុកទាំង ២៣ នៃខេត្ត ណាខន ស៊ីថាំម៉ារ៉ាត។

នៅក្នុងហេតុការណ៍ដ៏រន្ធត់នេះ គេសង្កេតឃើញមានស្រុក ធុងសុង ដែលធ្ងន់ធ្ងរជាងគេ គឺស្ពានថ្មមួយកន្លែង ត្រូវបានបាក់ដាច់មួយកង់ស្របពេល ដែលមានរថយន្តម៉ាក ហ្វជីន័រ ពណ៌ខ្មៅ មួយគ្រឿង ដែលមាននារី ២ នាក់ ជិះក្នុងនោះ បានមកដល់ត្រង់កន្លែងដែលបាក់ ហើយក៏បានធ្លាក់ចូលទៅក្នុងទឹកតែម្តង។

យោងតាមការផ្សាយរបស់សារព័ត៌មានក្នុងប្រទេសថៃបានបញ្ជាក់ថា នៅពេលនោះដែរ នារីទាំង ២នាក់ បានទាញញញួរវាយកញ្ចក់រថយន្ត ដើម្បីហែលទឹកចេញមកខាងក្រៅ ដោយនៅពេលនោះដែរ ដោយសារតែសភាពទឹកហូរខ្លាំង ទើបធ្វើឲ្យនារីរងគ្រោះម្នាក់ហែលបានទាន់ពេល ដោយឡែកនារីម្នាក់ទៀត ដោយសារតែអស់កម្លាំងក៏បានរសាត់តាមខ្សែទឹកប្រមាណ ២០០ ម៉ែត្រទើបត្រូវបានសង្គ្រោះ ប៉ុន្តែជាអកុសលពេលបញ្ជូនដល់មន្ទីរពេទ្យនាង ក៏បានបាត់បង់ជីវិតទៅហើយ។


ដោយឡែក ក៏មានរឿងមួយទៀតនៅក្នុងហេតុការណ៍នៃទឹកជំនន់នេះដែរ ដែលម្តាយសុខចិត្តផុតដង្ហើមដោយសារតែជ្រមុជទឹក ដើម្បីតាមរកកូនប្រុសដែលលិចក្នុងទឹក ប៉ុន្តែនៅទីបំផុតនាងក៏បានស្លាប់នៅក្នុងទឹកក្បែរនឹងសពកូនប្រុសតែម្តង។ ព័ត៌មានបានបញ្ជាក់ថា នៅពេលទឹកជំនន់លិចលំនៅឋានអស់ ទើបអ្នកភូមិមួយចំនួនត្រូវចាកចេញតាមរយៈកូនទូកតូចៗ ដោយនៅពេលនោះដែរនាង ចរិយា អាយុ២៧ឆ្នាំ បាននាំកូនប្រុសអាយុ៥ឆ្នាំឡើងទូកទៅជាមួយនឹងគេដែរ តែជាអកុសល ទូកនោះត្រូវបានខ្សែទឹកកួចក្រឡាប់ ដោយនាងបានតោងទូកជាប់ ដោយឡែកកូនប្រុសរបស់នាងក៏បានលិចចូលទៅក្នុងទឹក ទើបធ្វើឲ្យនាងដែលជាម្តាយបានជ្រមុជចុះទៅក្នុងទឹក ដើម្បីតាមរកកូនទីបំផុតនាង ក៏បានដាច់ខ្យល់ស្លាប់នៅក្នុងទឹកក្បែរសពកូនប្រុសតែម្តង។


ភាពសោកសង្រេងនេះ ត្រូវបានកម្លាំងសមត្ថកិច្ចចរាចរណ៍ថៃ នាំសពយកទៅដាក់ក្នុងមឈូសតែមួយ ( ម្តាយ និង កូន ) ដោយអនុញ្ញាតឲ្យធ្វើបុណ្យនៅក្នុងស្ថានីយតម្រួតតែម្តង ព្រោះនៅក្នុងខេត្តនោះស្ទើរតែរកទីទួល ដើម្បីធ្វើបុណ្យមិនបានទេ៕
អត្ថបទ៖ សោ និយមរ័ត្ន
សូមចុចអាន៖ គ្រោះថ្នាក់រថយន្តក្រុងធ្លាក់ពីលើស្ពាននៅប្រេស៊ីល សម្លាប់មនុស្ស ១៧ នាក់ (មានវីដេអូ)

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?