ព័ត៌មានអន្ដរជាតិ

Novavax កំពុងផលិតវ៉ាក់សាំងផ្តោតលើវីរុសបំប្លែងខ្លួនថ្មី Omicron

បានផុស

៣ years មុន

នៅ

ថ្ងៃសៅរ៍ ២៧ វិច្ឆិកា ២០២១

ដោយ

ក្រុមហ៊ុនឱសថ Novavax Inc នៅថ្ងៃសុក្រ ទី២៦ ខែវិច្ឆិកា បានចាប់ផ្តើមធ្វើការលើការផលិតវ៉ាក់សាំងភ្លាមៗដែលផ្តោតលើវីរុសកូវីដ-១៩បំប្លែងខ្លួនថ្មី Omicron ដែលត្រូវបានរកឃើញនៅទ្វីបអាហ្វ្រិក ហើយគ្រោងចាប់ផ្តើមធ្វើតេស្ត និងផលិតនាប៉ុន្មានសប្តាហ៍ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងបង្ការកូវីដ-១៩របស់ក្រុមហ៊ុននេះមានមានផ្ទុកនូវប្រូតេអ៉ីនដែលការពារមិនឲ្យឈឺ ប៉ុន្តែអាចបង្កជាប្រព័ន្ធភាពស៊ាំការពាររាងកាយបាន។ ក្រុមហ៊ុនបាននិយាយថា ខ្លួនបានចាប់ផ្តើមធ្វើការផលិតប្រព័ន្ធប្រូតេអ៉ីនដែលផ្តោតជាសំខាន់លើវីរុសបំប្លែងខ្លួនថ្មី B.1.1.529។

អង្គការសុខភាពពិភពលោក (WHO) បានចាត់ទុកវីរុសបំប្លែងខ្លួនថ្មីនេះដែលដាក់ឈ្មោះ Omicron ថា គួរឲ្យព្រួយបារម្ភ ដែលបានក្លាយជាវីរុសបំប្លែងខ្លួនចំនួន៤ត្រូវបានដាក់ឈ្មោះរហូតដល់ឥឡូវនេះ។

ជាមួយគ្នានេះ ក្រុមហ៊ុនផ្សេងៗទៀតដូចជា BioNTech SE និង Johnson & Johnson ក៏បាននិយាយដែរថា ពួកគេនឹងធ្វើតេស្តពីប្រសិទ្ធភាពវ៉ាក់សាំងរបស់ពួកគេដើម្បីប្រឆាំងនឹងវីរុសបំប្លែងខ្លួនថ្មី៕

អានអត្ថបទពាក់ព័ន្ធ៖ WHO ប្រកាស វីរុសបំប្លែងថ្មីជាក្តីព្រួយបារម្ភ និងដាក់ឈ្មោះ Omicron

ប្រែសម្រួល៖ វីរបុត្រ
ប្រភព៖ Reuters

Related Topics:វ៉ាក់សាំងកូវីដ-១៩