ព័ត៌មានអន្ដរជាតិ

ថៃ ហាមប្រាមការចូលពីប្រទេសអាហ្វ្រិកចំនួន ៨ ដោយសារវីរុសបំប្លែងខ្លួន Omicron

បានផុស

៣ years មុន

នៅ

ថ្ងៃសៅរ៍ ២៧ វិច្ឆិកា ២០២១

ដោយ

ប្រទេសថៃបាននិយាយនៅថ្ងៃសៅរ៍នេះថា ខ្លួននឹងហាមឃាត់រាល់ការចូលរបស់មនុស្ស ដែលធ្វើដំណើរមកពីប្រទេសអាហ្វ្រិកចំនួនប្រាំបី និងបានកំណត់ថា មានហានិភ័យខ្ពស់ ពីវីរុសបំប្លែងខ្លួនថ្មី Omicron ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសុខាភិបាលជាន់ខ្ពស់លោក Opas Karnkawinpong បានប្រាប់សន្និសីទសារព័ត៌មានមួយថា ចាប់ពីខែធ្នូតទៅ ការធ្វើដំណើរមកពីប្រទេស Botswana, Eswatini, Lesotho, Malawi, Mozambique, Namibia, South Africa និង Zimbabwe នឹងត្រូវបានហាមឃាត់។

លោកបានបន្តថា ប្រទេសថៃនឹងមិនអនុញ្ញាតឲ្យអ្នកធ្វើដំណើរមកពីប្រទេសទាំងនេះ ចុះឈ្មោះធ្វើដំណើរ ទៅប្រទេសថៃចាប់ពីថ្ងៃសៅរ៍នេះទេ។

ការប្រកាសនេះធ្វើឡើង ខណៈប្រទេសផ្សេងទៀតក្នុងតំបន់អាស៊ី បានរឹតបន្តឹងអ្នកដំណើរ និងព្រួយបារម្ភអំពីប្រភេទថ្មី B 1.1.529។

គួររំលឹកថា អង្គការសុខភាពពិភពលោក បានកំណត់ជា “ការប្រែប្រួលនៃក្តីបារម្ភចុងក្រោយបង្អស់” ដោយនិយាយថា វាអាចរីករាលដាលលឿនជាងទម្រង់ផ្សេងៗទៀត។

លោក Opas បាននិយាយថា “យើងបានជូនដំណឹងដល់ក្រុមហ៊ុនអាកាសចរណ៍ និងប្រទេសទាំងនេះ” ដោយបន្ថែមថា អ្នកធ្វើដំណើរមកពីប្រទេសអាហ្វ្រិកផ្សេងទៀត នឹងមិនត្រូវបានអនុញ្ញាតឲ្យប្រើប្រាស់គម្រោងធ្វើដំណើរដោយមិនមានការដាក់ឲ្យនៅដាច់ពីគេ សម្រាប់អ្នកដំណើរដែលទទួលថ្នាំបង្ការនោះទេ៕

ប្រែសម្រួល៖ សាង ស្រីល័ក្ខ

ប្រភព៖Reuters

ចុចអាន៖ប្រទេសនៅ អឺរ៉ុប មួយទៀត ប្រកាសរកឃើញវីរុសកូវីដបំប្លែងខ្លួន Omicron

ចុចអាន៖វ៉ាក់សាំងកូវីដ ថៃ ៤ ប្រភេទ ចាប់ផ្ដើមធ្វើតេស្តលើមនុស្សជាបណ្ដើរៗ និងចាយថវិកាសរុប ៤.៨ ពាន់លានបាត