ព័ត៌មានអន្ដរជាតិ
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ប្រទេសសិង្ហបុរីនឹងបរិច្ចាគទឹកប្រាក់ចំនួន៥លានដុល្លារដើម្បីជួយដល់ប្រទេសដែលមានប្រាក់ចំណូលមធ្យមនិងទាបឲ្យទទួលបានវ៉ាក់សាំងការពារជំងឺកូវីដ១៩។ បើមិនមានការប្រែប្រួលទេនោះ វ៉ាក់សាំងចំនួន២ពាន់លានដូសនឹងត្រូវចែកចាយមុនដាច់ឆ្នាំ២០២១។

ប្រទេសចំនួន៦នៅក្នុងតំបន់អាស៊ីអាគ្នេយ៍ដែលនឹងទទួលបានជំនួយនេះរួមមានប្រទេសកម្ពុជា ឥណ្ឌូនេស៊ី ឡាវ មីយ៉ាន់ម៉ា ហ្វីលីពីននិងវៀតណាម។

នៅក្នុងសេចក្តីប្រកាសព័ត៌មាន ក្រសួងការបរទេសនិងសុខាភិបាលបាននិយាយថា សាមគ្គីភាពជាសកលគឺចាំបាច់ណាស់សម្រាប់ការឆ្លើយតបជាអន្តរជាតិប្រកបដោយប្រសិទ្ធភាពចំពោះជំងឺរាតត្បាតនេះ។

សេចក្តីប្រកាសព័ត៌មាននោះបាននិយាយថា ប្រទេសសិង្ហបុរីនឹងផ្តល់ថវិកាចំនួន៥,០០០,០០០ដុល្លារអាមេរិកដល់កម្មវិធី COVAX ដែលនឹងជួយគាំទ្រដល់បណ្តាប្រទេសដែលមានប្រាក់ចំណូលទាបនិងមធ្យមចំនួន៩២ឲ្យទទួលបានវ៉ាក់សាំងកូវីដតាមរយៈកម្មវិធី COVAX។

សេចក្តីប្រកាសព័ត៌មានដដែលបានកត់សម្គាល់ថា ការប្តេជ្ញាចិត្តនេះគឺជាផ្នែកមួយនៃការគាំទ្រជាប់លាប់របស់ប្រទេសសម្រាប់ពហុភាគីវ៉ាក់សាំងនិងការទទួលបានវ៉ាក់សាំងដោយស្មើភាពនិងសមធម៌។

ប្រទេសសិង្ហបុរីនឹងបន្តធ្វើការយ៉ាងជិតស្និទ្ធជាមួយដៃគូអន្តរជាតិរបស់ខ្លួនរួមមានអង្គការសហប្រជាជាតិ, អង្គការសុខភាពពិភពលោក, អង្គការ Gavi និងអង្គការផ្សេងទៀតដើម្បីជំរុញវ៉ាក់សាំងពហុភាគីនិយមនិងបង្កើតឲ្យមានការឆ្លើយតបជាសកលចំពោះជំងឺរាតត្បាតនេះ៕

ប្រែសម្រួលដោយ៖ Vann Vann
ប្រភព៖ Anadolu
ចុចអាន៖ ពលរដ្ឋអេស្ប៉ាញ ២០ លាននាក់អាចនឹងទទួលការចាក់វ៉ាក់សាំងកូវីដ នៅមុនរដូវក្តៅ
ចុចអាន៖ ប្រទេសមួយទៀតអនុញ្ញាតឲ្យប្រើប្រាស់វ៉ាក់សាំងរបស់ក្រុមហ៊ុន Pfizer បន្ទាប់ពីអង់គ្លេស

-
ព័ត៌មានជាតិ១ សប្តាហ៍ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៦ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
សេចក្ដីជូនដំណឹង៦ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
នយោបាយ៦ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ម៉ោង ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
នយោបាយ១ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
សន្តិសុខសង្គម១ សប្តាហ៍ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ១ សប្តាហ៍ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ