ឧបករណ៍តេស្ត PCR មួយចំនួន មិនអាចរកឃើញវីរុសបំប្លែងថ្មី Omicron ទេ (មានវីដេអូ)

ឧបករណ៍តេស្ត Polymerase Chain Reaction (PCR) មួយចំនួន ប្រហែលមិនអាចរកឃើញវីរុសកូវីដ១៩បំប្លែងខ្លួនបានទេ ដោយសារវីរុសនេះអាចមានសមត្ថភាពក្នុងការលូតលាស់។ នេះបើយោងតាមមន្ទីរពិសោធន៍ Ramathibodi Hospital Centre for Medical Genomics ដែលបានបង្ហោះលើទំព័រ Facebook របស់ខ្លួនកាលពីថ្ងៃសៅរ៍។

នាពេលថ្មីៗនេះ អង្គការសុខភាពពិភពលោក (WHO) បានប្រកាសថា វីរុសបំប្លែងខ្លួនថ្មីបំផុតឈ្មោះ Omicron គឺស្ថិតក្នុងចំណោមវីរុសបំប្លែងខ្លួនដែលគួរឲ្យព្រួយបារម្ភ ស្រដៀងនឹងប្រភេទ Delta ដែរ។

ទន្ទឹមនឹងនេះ អ្នកវិទ្យាសាស្ត្រអាហ្រ្វិកម្នាក់ បានបង្ហោះកូដហ្សែននៃសំណាកវីរុស Omicron ចំនួន១១៥ ទៅលើមូលដ្ឋានទិន្នន័យមេរោគកូវីដ GISAID ក្នុងគោលបំណងឲ្យអ្នកវិទ្យាសាស្ត្រផ្សេងទៀតនៅទូទាំងពិភពលោក ធ្វើការស្រាវជ្រាវ។

មជ្ឈមណ្ឌលនេះបានពន្យល់ថា ខ្លួនបានបើកការធ្វើតេស្តដោយប្រើសំណាក Omicron ចំនួន ១១៥ និងឧបករណ៍ធ្វើតេស្ត PCR ដែលត្រូវបានអនុម័តដោយ WHO តាមរយៈកម្មវិធី Nextclade។

មជ្ឈមណ្ឌលដដែលបន្តថា “យើងបានរកឃើញថា ឧបករណ៍ធ្វើតេស្ត PCR មួយចំនួន អាចផ្តល់ភាពវិជ្ជមានខ្សោយ ឬអវិជ្ជមានមិនពិត ដោយសារមេរោគនេះអាចមានសមត្ថភាពលូតលាស់”។

ស្របពេលជាមួយគ្នានោះ មជ្ឈមណ្ឌលក៏បានណែនាំផងដែរ ឲ្យមជ្ឈមណ្ឌលធ្វើតេស្តកូវីដនានាត្រូវប្រើឧបករណ៍ធ្វើតេស្ត PCR ដែលអាចរកឃើញវីរុសបំប្លែងខ្លួន Omicron ផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖​ Nation

ចុចអាន៖ គេសង្ស័យថា WHO មិនប្រើអក្សរ Xi របស់ក្រិក យកទៅដាក់ឈ្មោះវីរុសបំប្លែងថ្មី ដើម្បីកុំឲ្យ ចិន ខឹង