ព័ត៌មានអន្ដរជាតិ

រកឃើញអ្នកវិជ្ជមាន Omicron ២នាក់ឆ្លងព្រលានយន្តហោះសិង្ហបុរីទៅទីក្រុងស៊ីដនី

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

អ្នកដំណើរពីរនាក់មកពីប្រទេសអាហ្វ្រិកខាងត្បូងដែលបានប្តូរជើងហោះហើរនៅប្រទេសសិង្ហបុរីធ្វើតេស្តរកឃើញវីរុសបំប្លែងខ្លួនថ្មី Omicron នៅទីក្រុងស៊ីដនី ប្រទេសអូស្ត្រាលី។

អ្នកដំណើរបានទៅដល់ទីក្រុងស៊ីដនីតាមរយៈក្រុមហ៊ុនអាកាសចរណ៍ Singapore Airlines SQ211 ដែលបានចេញដំណើរពីប្រទេសសិង្ហបុរីវេលាម៉ោង១០:៣០នាទីព្រឹក ថ្ងៃអាទិត្យ ទី២៨ ខែវិច្ឆិកា និងបានទៅដល់ទីក្រុងស៊ីដនីវេលាម៉ោង៩:២០នាទីយប់ ថ្ងៃដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្វើបច្ចុប្បន្នភាពកូវីដ-១៩ប្រចាំថ្ងៃ ក្រសួងសុខាភិបាលសិង្ហបុរីបាននិយាយកាលពីយប់ថ្ងៃចន្ទថា អ្នកដំណើរបានចេញពីប្រលានយន្តហោះ Johannesburg ក្នុងប្រទេសអាហ្វ្រិកខាងត្បូងកាលពីថ្ងៃទី២៧ ខែវិច្ឆិកា តាមជើងហោះហើរ SQ481 និងបានមកដល់ប្រលានយន្តហោះសិង្ហបុរី Changi Airport នៅថ្ងៃដដែលនោះដើម្បីប្តូរជើងហោះហើររបស់ពួកគេ។

គ្រប់អ្នកដំណើរទាំងអស់មានប័ណ្ណស្នាក់នៅរយៈពេលខ្លី និងវែងដែលមានប្រវត្តិស្ថិតនៅរយៈពេល១៤ថ្ងៃចុងក្រោយនៅប្រទេសបូតស្វាណា អេសវ៉ាទីនី ឡេសូតូ ម៉ូសំប៊ិក ណាមីប៊ី អាហ្វ្រិកខាងត្បូង និង ហ្ស៊ីមបាវ៉េ មិនត្រូវបានអនុញ្ញាតឲ្យចូល ឬប្តូរជើងហោះហើរនៅសិង្ហបុរីឡើយ។

ក្រសួងសុខាភិបាលសិង្ហបុរីនិយាយថា ការធ្វើតេស្តមុនធ្វើដំណើរនៅអាហ្វ្រិកខាងត្បូងកាលពីថ្ងៃទី២៦ ខែវិច្ឆិកាមិនមានវិជ្ជមានកូវីដ-១៩ទេ ហើយអ្នកដំណើរភាគច្រើនបំផុតបន្តស្ថិតនៅកន្លែងប្តូរជើងហោះហើរនៅប្រលានយន្ត Changi Airport រហូតដល់ថ្ងៃចេញដំណើរទៅអូស្ត្រាលីកាលពីថ្ងៃទី២៨ ខែវិច្ឆិកា។

ក្រសួងបញ្ជាក់ថា ពួកគេមិនត្រូវបានអនុញ្ញាតឲ្យចូលទៅប្រទេសសិង្ហបុរី ឬធ្វើដំណើរទៅកន្លែងណាផ្សេង ក្រៅពីស្ថិតនៅកន្លែងប្តូរជើងហោះហើរនៅ Changi Airport ប៉ុណ្ណោះ៕

អានអត្ថបទពាក់ព័ន្ធ៖ WHO ព្រមានថា វីរុសបំប្លែងថ្មី Omicron បង្កហានិភ័យជាសកល “ខ្ពស់ណាស់” ប្រទេសទាំងអស់ ត្រូវត្រៀមខ្លួន

ប្រែសម្រួល៖ វីរបុត្រ
ប្រភព៖ CAN

Related Topics:កូវីដ-១៩