ព័ត៌មានអន្ដរជាតិ

ប្រទេសនិងដែនដីទាំង១១ រកឃើញវីរុសបំប្លែងខ្លួនកាចសាហាវ Omicron (មានវីដេអូ)

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

វីរុសកូវីដ១៩បំប្លែងខ្លួនថ្មីដ៏សាហាវ ដែលត្រូវបានគេរកឃើញនៅក្នុងប្រទេសអាហ្រ្វិកខាងត្បូង បានលេចឡើងនៅក្នុងប្រទេសមួយចំនួនទៀត ដែលធ្វើឲ្យរដ្ឋាភិបាលជុំវិញពិភពលោកកំពុងព្យាយាមបញ្ឈប់ការឆ្លង។

Omicron outbreak: List of countries where new Covid-19 variant has been detected

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនេះ ប្រទេសមួយចំនួនក៏បានហាមប្រាមអ្នកធ្វើដំណើរមកពីអាហ្វ្រិកខាងត្បូង និងប្រទេសជិតខាងរបស់ខ្លួនផងដែរ ដោយសារតែការគំរាមកំហែងពីវីរុសបំប្លែងខ្លួន Omicron។

អង្គការសុខភាពពិភពលោក បានចាត់ថ្នាក់ Omicron ថាជា “វីរុសបំប្លែងខ្លួនគួរឲ្យព្រួយបារម្ភ” ហើយនិយាយថា ខ្លួនអាចចំណាយពេលច្រើនសប្តាហ៍ដើម្បីដឹងថា តើមានការផ្លាស់ប្តូរសំខាន់ៗក្នុងការចម្លង ភាពធ្ងន់ធ្ងរ ឬផលប៉ះពាល់សម្រាប់វ៉ាក់សាំង ការធ្វើតេស្ត និងការព្យាបាល កូវីដដែរឬទេ។

Drug co-developed by Hebrew U helps HIV coronavirus patients - The Canadian Friends of Hebrew University

ខាងក្រោមនេះ គឺជាបញ្ជីប្រទេសដែលបានរាយការណ៍ករណីនៃវីរុសកូវីដបំប្លែងខ្លួន Omicron៖

១. អូស្ត្រាលី

នាយកដ្ឋានសុខាភិបាលអូស្ត្រាលីបានរកឃើញមេរោគបំប្លែងថ្មី Omicron លើអ្នកដំណើរពីរនាក់នៅទីក្រុងស៊ីដនី។ អ្នកដំណើរទាំងពីរ គឺមកពីអាហ្វ្រិកខាងត្បូង ហើយបានមកដល់អូស្ត្រាលីតាមជើងហោះហើរ Qatar Airways ឆ្លងកាត់ទីក្រុង ដូហា។

២. អ៊ីតាលី

ទីភ្នាក់ងារសារព័ត៌មានអ៊ីតាលី LaPresse ចុះផ្សាយថា ជនជាតិអ៊ីតាលីម្នាក់ដែលបានធ្វើដំណើរទៅប្រទេសម៉ូសំប៊ិក បានធ្វើតេស្តវិជ្ជមានវីរុសបំប្លែងខ្លួន Omicron។ សមាជិកគ្រួសារប្រាំនាក់ រួមទាំងកុមារពីរនាក់ក៏បានធ្វើតេស្តវិជ្ជមានផងដែរ។

៣. អាល្លឺម៉ង់

វីរុសបំប្លែងខ្លួន Omicron ត្រូវបានបញ្ជាក់នៅក្នុងខ្លួនអ្នកដំណើរពីរនាក់ ដែលបានមកដល់តាមជើងហោះហើរពីប្រទេសអាហ្រ្វិកខាងត្បូង កាលពីថ្ងៃទី២៤ខែវិច្ឆិកា។

៤. ហូឡង់

អាជ្ញាធរសុខាភិបាលរបស់ប្រទេសហូឡង់ និយាយថា ពួកគេបានរកឃើញករណីកូវីដចំនួន ៦១ករណីក្នុងចំណោមមនុស្ស ដែលបានហោះហើរពីអាហ្វ្រិកខាងត្បូងកាលពីថ្ងៃសុក្រ ហើយជឿថាយ៉ាងហោចណាស់ ការឆ្លងមួយចំនួនគឺជាវីរុសបំប្លែងខ្លួន Omicron។

៥. ចក្រភពអង់គ្លេស

ចក្រភពអង់គ្លេស បានរកឃើញករណីវីរុសបំប្លែងខ្លួន Omicron ចំនួន២ករណី។ រដ្ឋមន្ត្រីសុខាភិបាលអង់គ្លេស លោក Sajid Javid និយាយថា ករណីដែលរកឃើញក្នុងប្រទេសអង់គ្លេស គឺជាប់ទាក់ទងនឹងការធ្វើដំណើរទៅកាន់ប្រទេសអាហ្វ្រិកខាងត្បូង។

៦. អ៊ីស្រាអែល

ក្រសួងសុខាភិបាលនិយាយថា មេរោគថ្មីដែលត្រូវបានរកឃើញដំបូងដោយអាហ្វ្រិកខាងត្បូង ឬគេស្គាល់ថា B.1.1.529 ត្រូវបានរកឃើញនៅក្នុងមនុស្សម្នាក់ ដែលមកពីប្រទេស ម៉ាឡាវី។

៧. ហុងកុង

បន្ទាប់ពីអាហ្រ្វិកខាងត្បូង ហុកកុង បានក្លាយជាកន្លែងទី២ ដែលរាយការណ៍ករណី Omicron ចំនួន៣ករណី។

៨. បុតស្វាណា

រហូតមកដល់ពេលនេះ ប្រទេសនេះ បានរាយការណ៍ករណី Omicron ត្រឹមតែ១ករណីប៉ុណ្ណោះ។

៩.បែលហ្ស៊ិក

បែលហ្ស៊ិក ក៏បានរកឃើញវីរុសបំប្លែងខ្លួន Omicron ១ករណីផងដែរកាលពីម្សិលមិញ។

១០. ស្វីស

ករណីដែលទំនងបំផុតនៃវីរុសបំប្លែងខ្លួន Omicron ត្រូវបានរកឃើញនៅប្រទេសស្វីស កាលពីថ្ងៃចន្ទ។

ករណីនេះទាក់ទងនឹងមនុស្សម្នាក់ដែលបានត្រឡប់មកប្រទេសស្វីសពីអាហ្វ្រិកខាងត្បូង ប្រហែលមួយសប្តាហ៍មុន។

១១. កាណាដា

ប្រទេសកាណាដា កាលពីថ្ងៃចន្ទបានបញ្ជាក់វីរុសបំប្លែងខ្លួន Omicron ចំនួនពីរករណីដំបូង ក្នុងចំណោមមនុស្សពីរនាក់ដែលបានទៅលេងប្រទេសនីហ្សេរីយ៉ា នាពេលថ្មីៗនេះ៕

សូមទស្សនាវីដេអូ៖