ព័ត៌មានអន្ដរជាតិ

អាមេរិក ពិនិត្យឡើងវិញ ពីការវាយប្រហារតាមអាកាសនៅ ស៊ីរី ក្នុងឆ្នាំ ២០១៩ ក្រោយសម្លាប់មនុស្សរាប់សិបនាក់

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

រដ្ឋមន្ត្រីការពារជាតិសហរដ្ឋអាមេរិក លោក Lloyd Austin បានបញ្ជាឲ្យពិនិត្យឡើងវិញ លើការវាយប្រហារតាមអាកាស នៅក្នុងប្រទេស ស៊ីរី កាលពីឆ្នាំ ២០១៩ ដែលកាលណោះ បានសម្លាប់ជនស៊ីវិលស៊ីរីរាប់សិបនាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យមន្ទីរបញ្ចកោណលោក John Kirby បានប្រាប់អ្នកយកព័ត៌មានកាលពីថ្ងៃចន្ទថា ឧត្ដមសេនីយ៍ Michael Garrett ដែលជាប្រធានបញ្ជាការកងកម្លាំងទ័ពអាមេរិក នឹងមានពេល ៩០ ថ្ងៃ ដើម្បីបញ្ចប់ការពិនិត្យឡើងវិញ រួមទាំងរបាយការណ៍អំពីជនរងគ្រោះ និងជនស៊ីវិល និងថាតើការវាយប្រហារនេះ បានបំពានច្បាប់សង្គ្រាមដែរឬទេ។

កាសែត New York Times បានរាយការណ៍កាលពីដើមខែ វិច្ឆិកា ថា ការវាយប្រហាររបស់សហរដ្ឋអាមេរិកនៅទីក្រុង Baghuz ប្រទេសស៊ីរី កាលពីថ្ងៃទី ១៨ ខែ មីនា ឆ្នាំ ២០១៩ បានសម្លាប់ស្ត្រី និងកុមារយ៉ាងហោចណាស់ ៧០ នាក់ ៕

ប្រែសម្រួល៖ សាង ស្រីល័ក្ខ

ចុចអាន៖មិនយូរមិនឆាប់ វីរុសកូវីដបំប្លែងខ្លួន Omicron នឹងចូលដល់ អាមេរិក