Omicron វាយលុកចូលដល់ អាមេរិកឡាទីន ហើយ (មានវីដេអូ)

និយតករសុខភាព Anvisa របស់ប្រទេសប្រេស៊ីល បាននិយាយកាលពីថ្ងៃអង្គារថា ការវិភាគមន្ទីរពិសោធន៍បានរកឃើញ២ករណីនៃវីរុសកូវីដ១៩បំប្លែងខ្លួន Omicron ដែលជាករណីដំបូងត្រូវបានរាយការណ៍នៅតំបន់អាមេរិកឡាទីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Anvisa, អ្នកដំណើរម្នាក់ដែលមកដល់ទីក្រុង Sao Paulo ពីប្រទេសអាហ្វ្រិកខាងត្បូង និងប្រពន្ធរបស់គាត់ បានឆ្លងវីរុសបំប្លែងថ្មីដ៏កាចសាហាវនេះ។

អ្នកដំណើរបានមកដល់អាកាសយានដ្ឋានអន្តរជាតិ Guarulhos នៅថ្ងៃទី២៣ខែវិច្ឆិកា ជាមួយនឹងការធ្វើតេស្តអវិជ្ជមានជំងឺកូវីដ១៩។

ប៉ុន្តែមុនការធ្វើដំណើរត្រឡប់ទៅវិញតាមការគ្រោងទុក ប្តីប្រពន្ធមួយគូនេះនេះបានធ្វើតេស្តវិជ្ជមាន ហើយសំណាកត្រូវបានបញ្ជូនសម្រាប់ការវិភាគបន្ថែម ដោយក្រោយមកត្រូវបានគេរកឃើញថាជាវីរុសបំប្លែងខ្លួន Omicron។

និយតករនិយាយថា សំណាកនឹងត្រូវបានបញ្ជូនសម្រាប់ការវិភាគបញ្ជាក់ជាលើកទីពីរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ WHO ប្រាប់ ៦ ក្បាច់ ទោះ Omicron សាហាវប៉ុនណា ក៏មិនហ៊ានក្បែរ