ព័ត៌មានអន្ដរជាតិ

ចាប់ពីបើកប្រទេសឡើងវិញ វៀតណាមឆ្លងកូវីដប្រចាំថ្ងៃខ្ពស់បំផុត

បានផុស

៣ years មុន

នៅ

ថ្ងៃពុធ ១ ធ្នូ ២០២១

ដោយ

ក្រសួងសុខាភិបាលវៀតណាមបានបញ្ជាក់ពីករណីឆ្លងកូវីដ-១៩ទូទាំងប្រទេសកាលពីថ្ងៃអង្គារ៍មានចំនួន១៣៩៦៦នាក់ដែលជាចំនួនឆ្លងប្រចាំថ្ងៃខ្ពស់បំផុតគិតចាប់តាំងពីប្រទេសបញ្ចប់បំរាមកាលពីថ្ងៃទី១ ខែតុលាមក។

ទីក្រុងហូជីមិញនៅតែជាកន្លែងដែលមានករណីឆ្លងច្រើនបំផុតដែលមាន១៤៩៧នាក់ តាមពីក្រោយខេត្ត Can Tho មាន៩៨១នាក់ និងខេត្ត Ba Ria-Vung Tau មាន៨៦០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេល២៤ម៉ោងចុងក្រោយ អ្នកជំងឺកូវីដ-១៩ចំនួន១៩៧នាក់បានស្លាប់។ ក្នុងចំណោមអ្នកស្លាប់ មាន៧៦នាក់នៅទីក្រុងហូជីមិញក្នុងនោះមាន១៧នាក់ជាអ្នកជំងឺដែលបញ្ជូនមកពីកន្លែងផ្សេងៗចូលទីក្រុងហូជីមិញ។

ដូច្នេះសរុបអ្នកស្លាប់ដោយកូវីដ-១៩នៅប្រទេសវៀតណាមបានកើនឡើងដល់២៥២៥២នាក់ ឬស្មើនឹង២%នៃអ្នកឆ្លងសរុប។

រលកចុងក្រោយបំផុតដែលបានវាយប្រហារវៀតណាមក្នុងរយៈពេល៧ខែចុងក្រោយនេះបានធ្វើឲ្យអ្នកឆ្លងសរុបឡើងដល់ជាង១.២៣លាននាក់ និងជាសះស្បើយ ៩៨៦៥៣១នាក់។

ចំពោះការចាក់វ៉ាក់សាំងវិញ វៀតណាមបានចាក់វ៉ាក់សាំងពេញដូសជិត៥១លាននាក់៕

ប្រែសម្រួល៖ វីរបុត្រ
ប្រភព៖ e.vnexpress

Related Topics:ប្រទេសវៀតណាម