អាល្លឺម៉ង់ រកឃើញករណីវីរុសបំប្លែងខ្លួន Omicron លើអ្នកចាក់វ៉ាក់សាំងពេញដូស

មនុស្ស ៤ នាក់នៅភាគខាងត្បូងប្រទេសអាល្លឺម៉ង់បានធ្វើតេស្តវិជ្ជមានចំពោះវីរុសកូវីដបំប្លែងខ្លួន Omicron ទោះបីជាពួកគេបានចាក់វ៉ាក់សាំងប្រឆាំងជំងឺកូវីដ ១៩ ពេញដូសក៏ដោយ ។

ការិយាល័យសុខភាពសាធារណៈនៅរដ្ឋ Baden-Wuerttemberg បាននិយាយថា អ្នកឆ្លង ៣ នាក់ក្នុងចំណោមពួកគេបានត្រឡប់មកពីប្រទេសអាហ្រ្វិកខាងត្បូងនៅថ្ងៃទី ២៦ ខែវិច្ឆិកា និងថ្ងៃទី ២៧ ខែវិច្ឆិកា ។

ចំណែកអ្នកទី ៤ គឺជាសមាជិកគ្រួសារនៃអ្នកត្រឡប់មកវិញម្នាក់ក្នុងចំណោមពួកគេ ។ អ្នក​ទាំង ៤ ​បាន​បង្ហាញ​រោគ​សញ្ញា​កម្រិត​មធ្យម ហើយ​កំពុងធ្វើចត្តាឡីស័ក ។

គួរបញ្ជាក់ថា វីរុសបំប្លែងខ្លួន Omicron ត្រូវបានរកឃើញជាលើកដំបូងនៅអាហ្វ្រិកខាងត្បូងកាលពីសប្តាហ៍មុន ហើយចាប់តាំងពីពេលនោះមក វាបានរីករាលដាលដល់ប្រទេស និងដែនដីជាច្រើននៅទូទាំងពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ France24

ចុចអាន ៖ ប្រុងប្រយ័ត្ន! វីរុសកូវីដបំប្លែងខ្លួន Omicron ឆ្លងសាហាវជាង Delta រហូតដល់ ៥ ដង