ព័ត៌មានអន្ដរជាតិ

ចិនហៅឯកអគ្គរាជទូតជប៉ុននៅប៉េកាំងប្រជុំបន្ទាន់ជុំវិញការអធិប្បាយរបស់លោក អាបេ

បានផុស

៣ years មុន

នៅ

ថ្ងៃព្រហស្បតិ៍ ២ ធ្នូ ២០២១

ដោយ

ក្រសួងការបរទេសចិនបានកោះហៅឯកអគ្គរាជទូតជប៉ុនប្រចាំនៅទីក្រុងប៉េកាំងដើម្បីប្រជុំបន្ទាន់មួយកាលពីល្ងាច ថ្ងៃពុធ ទី១ ខែធ្នូ បន្ទាប់ពីអតីតនាយករដ្ឋមន្ត្រីជប៉ុនលោក ស៊ីនហ្សូ អាបេ បាននិយាយថា ទាំងប្រទេសជប៉ុន និងសហរដ្ឋអាមេរិកមិនអាចអោបដៃឈរមើលបានទេ ប្រសិនបើចិនវាយប្រហារតៃវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីថ្លែងការណ៍របស់ក្រសួងការបរទេសចិនឲ្យដឹងថា ឧបការីក្រសួងការបរទេសចិន លោក Hua Chunying បានហៅការអធិប្បាយរបស់លោក អាបេ ថា«ខុសឆ្គង» និងរំលោភលើបទដ្ឋានជាមូលដ្ឋាននៃទំនាក់ទំនងរវាងប្រទេសចិន និងជប៉ុន នៅក្នុងកិច្ចប្រជុំជាមួយឯកអគ្គរាជទូតជប៉ុនលោក Hideo Tarumi។

លោក Hua បានហៅការលើកឡើងរបស់លោក អាបេ ថាជាការប្រឆាំងដោយបើកចំហចំពោះអធិបតេយ្យភាពរបស់ចិន និងផ្តល់ការគាំទ្រយ៉ាងធំសម្បើមដលកម្លាំងឯករាជតៃវ៉ាន់។

សេចក្តីថ្លែងការណ៍និយាយថា ៖«ចិនប្រឆាំងដាច់ខាតរឿងនេះ» និងបន្ថែមថា លោក Hua បានធ្វើការបង្ហាញយ៉ាងយ៉ាងតឹងរឹងដល់ប្រទេសជប៉ុន។

កាលពីថ្ងៃពុធនិយាយនៅវេទិកាតាមអនឡាញមួយដែលរៀបចំដោយអ្នកគិតគូរតៃវ៉ាន់ លោក អាបេ បាននិយាយថា ការឈ្លានពានដោយអាវុធលើតៃវ៉ាន់នឹងបង្កគ្រោះថ្នាក់យ៉ាងធ្ងន់ធ្ងរដល់ជប៉ុន។

លោក អាបេ ដែលបានចុះចេញពីតំណែងនាយករដ្ឋមន្ត្រីកាលពីឆ្នាំមុនជាប្រធានក្រុមធំបំផុតនៃគណបក្សប្រជាធិបតេយ្យសេរី និងនៅតែមានឥទ្ធិពលក្នុងជួរបក្ស៕

ប្រែសម្រួល៖ វីរបុត្រ
ប្រភព៖ Reuters