Omicron ចូលដល់ឥណ្ឌា ធ្វើឲ្យពិភពលោកបារម្ភខ្លាំង ខ្លាចស្ថានភាពដូចលើកមុន

បុរសពីរនាក់នៅរដ្ឋ Karnataka ភាគខាងត្បូងប្រទេសឥណ្ឌា បានធ្វើតេស្តវិជ្ជមានចំពោះវីរុសកូវីដ១៩បំប្លែងខ្លួន Omicron ក្រោយពេលវិលត្រឡប់មកពីបរទេសវិញ។

អ្នក​នាំពាក្យ​រដ្ឋាភិបាល​បាន​និយាយ​ថា បុរស​ដែល​មាន​អាយុ​៦៦​ឆ្នាំ​និង​៤៦​ឆ្នាំ ​បច្ចុប្បន្ន​កំពុង​ស្ថិត​ក្រោម​ការ​អង្កេត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាំងនេះ គឺជាករណីដំបូងនៃវីរុសកូវីដបំប្លែងខ្លួន Omicron ដែលត្រូវបានរាយការណ៍នៅក្នុងប្រទេសឥណ្ឌា។

ក្រុមមន្ត្រីបាននិយាយថា រាល់ទំនាក់ទំនងបឋម និងទំនាក់ទំនងបន្ទាប់បន្សំរបស់បុរសទាំងពីរ ត្រូវបានតាមដានយ៉ាងយកចិត្តទុកដាក់ ហើយក៏កំពុងត្រូវបានធ្វើតេស្តផងដែរ។

គួរបញ្ជាក់ថា ជីវិតនៅក្នុងប្រទេសឥណ្ឌា បានវិលមករកភាពប្រក្រតីវិញ បន្ទាប់ពីមានករណីឆ្លងកូវីដទាប និងយុទ្ធនាការចាក់វ៉ាក់សាំងប្រកបដោយស្ថិរភាព។

ប្រទេសនេះបានកត់ត្រាករណីឆ្លងថ្មីតិចជាង ១០,០០០ ករណីជារៀងរាល់ថ្ងៃ ហើយបានចាក់វ៉ាក់សាំងដូសទី១ ជិត ៨០% ដល់មនុស្សពេញវ័យដែលមានសិទ្ធិចំនួន៩៤០លាននាក់។

ទោះបីជាយ៉ាងណាក៏ដោយ ពិភពលោកកំពុងព្រួយបារម្ភថា បើគ្មានវិធានការម៉ឺងម៉ាត់ទេនោះ វត្តមាននៃវីរុសបំប្លែងខ្លួន Omicron ឆ្លងសាហាវនៅឥណ្ឌា នឹងធ្វើឲ្យស្ថានការណ៍ធ្ងន់ធ្ងរដូចរលកទី៣ កាលពីខែឧសភា ដែលពេលនោះ ឥណ្ឌាបានកត់ត្រាករណីឆ្លងកូវីដរហូតដល់ទៅ ៨.៣លានករណីក្នុងរយៈពេលត្រឹម៣០ថ្ងៃ៕

ប្រែសម្រួល៖ Vann Vann

ប្រភព៖ BBC

ចុចអាន៖ រកឃើញកន្លែងផ្ទុះ Omicron ធំបំផុតលើពិភពលោក គឺនៅអឺរ៉ុប