WHO ប្រាប់ កុំទាន់ស្លន់ស្លោ ជាមួយ Omicron

អង្គការសុខភាពពិភពលោក (WHO) បាននិយាយថា ពិភពលោកមិនគួរភ័យស្លន់ស្លោចំពោះវីរុសបំប្លែងខ្លួនថ្មី Omicron ទេប៉ុន្តែគួរតែត្រៀមខ្លួនឲ្យបានល្អ។

ថ្លែងក្នុងសន្និសីទមួយកាលពីថ្ងៃសុក្រ អ្នកវិទ្យាសាស្ត្រកំពូលរបស់ WHO លោកស្រី Soumya Swaminathan បានលើកឡើងថា ស្ថានភាពឥឡូវនេះគឺខុសពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍បង្ហាញថា Omicron ត្រូវបានរកឃើញនៅក្នុងប្រទេសជិត ៤០ហើយ។

ទោះបីជាយ៉ាងណាក៏ដោយ គេនៅតែមិនទាន់ច្បាស់ថាតើវីរុសបំប្លែងខ្លួនថ្មី ដែលមានបម្រែបម្រួលច្រើនមួយនេះ អាចឆ្លងសាហាវ ឬអាចគេចពីវ៉ាក់សាំងបានមែនឬក៏អត់។

ទិន្នន័យដំបូងដែលរាយការណ៍ដោយអ្នកវិទ្យាសាស្ត្រ អាហ្រ្វិកខាងត្បូង បានបង្ហាញថា វីរុស Omicron អាចគេចចេញពីភាពស៊ាំមួយចំនួនថ្វីបើអ្នកជំនាញព្រមានថា ការវិភាគនោះមិនច្បាស់លាស់ក៏ដោយ។

ដោយដកស្រង់ទិន្នន័យពីអាហ្វ្រិកខាងត្បូង លោកស្រីវេជ្ជបណ្ឌិត Swaminathan បានប្រាប់សន្និសីទ Reuters NEXT ថា វីរុសនេះគឺអាចចម្លងខ្លាំង ហើយវាអាចក្លាយជាមេរោគលេចធ្លោនៅទូទាំងពិភពលោក បើទោះបីជាវាពិបាកក្នុងការទស្សន៍ទាយក៏ដោយ។ លោកស្រីបន្ថែមថា បច្ចុប្បន្នវីរុសបំប្លែងខ្លួន Delta បានគ្របដណ្តប់ ៩៩% នៃករណីនៅទូទាំងពិភពលោក។

“តើយើងគួរព្រួយបារម្ភប៉ុនណា? យើងត្រូវត្រៀមខ្លួន និងប្រុងប្រយ័ត្ន កុំភ័យស្លន់ស្លោ ព្រោះយើងស្ថិតក្នុងស្ថានភាពខុសពីឆ្នាំមុន”៕

ប្រែសម្រួល៖ Vann Vann

ប្រភព៖ BBC

ចុចអាន៖ ថៃ បន្តតាមរកទេសចរអាហ្វ្រិក ជាង១០០នាក់ មកធ្វើតេស្តរក Omicron