ព័ត៌មានអន្ដរជាតិ

ថៃ ប្រកាសក្ដែងៗថា មិនមាន Omicron នៅភាគខាងត្បូងប្រទេស ក្រោយម៉ាឡេស៊ី រកឃើញលើនិស្សិតមួយរូប

បានផុស

៣ years មុន

នៅ

ថ្ងៃអាទិត្យ ៥ ធ្នូ ២០២១

ដោយ

អ្នកនាំពាក្យរងរដ្ឋាភិបាល លោកស្រី Ratchada Dhnadirek បាននិយាយកាលពីថ្ងៃសៅ រ៍ថា គ្មានការឆ្លងវីរុសបំប្លែងខ្លួន Omicron ត្រូវបានរកឃើញ នៅ ក្នុងខេត្តភាគខាងត្បូង នៃប្រទេសថៃនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះធ្វើឡើង ក្រោយការធ្វើតេស្តយ៉ាងទូលំទូលាយនៅ ក្នុងខេត្ត Songkhla, Satun, Trang, Phathalung, Pattani, Yala និង Narathiwat បន្ទាប់ពីនិស្សិតម្នាក់ ដែលត្រឡប់មកពីអាហ្វ្រិកខាងត្បូង បានធ្វើតេស្តវិជ្ជមាន នៅ ប្រទេសម៉ាឡេស៊ី។

អាជ្ញាធរម៉ាឡេស៊ីបាននិយាយថា ទោះជាយ៉ាងណាក៏ដោយ បុគ្គលនោះត្រូវបានគេដាក់ឲ្យនៅ ដាច់ដោយឡែក ហើយអ្នកដែលមានទំនាក់ទំនងជិតស្និទ្ធទាំងអស់ កំពុងត្រូវបានត្រួតពិនិត្យ និងធ្វើតេស្តដូចគ្នា។

ចំពោះការអំពាវនាវឲ្យបើកព្រំដែនថៃ-ម៉ាឡេស៊ីឡើងវិញនោះ លោកស្រី Ratchada បាននិយាយថា មជ្ឈមណ្ឌលគ្រប់គ្រងស្ថានការណ៍កូវីដ១៩ (CCSA) កំពុងពិចារណាលើសំណើនេះ ហើយនឹងចេញជាដំណោះស្រាយ បន្ទាប់ពីកិច្ចប្រជុំរបស់ខ្លួននៅ ថ្ងៃទី ១៣ ខែធ្នូ៕

ប្រែសម្រួល៖ សាង ស្រីល័ក្ខ

ប្រភព៖Nationthailand

ចុចអាន៖លោក ប្រាយុទ្ធ ប្ដេជ្ញាការពារមិនឲ្យវីរុស Omicron ចូលទឹកដី ថៃ

ចុចអាន៖ថៃ អួតថា វីរុស Omicron មានឱកាសតិចណាស់ចូលក្នុងប្រទេសខ្លួន ដោយសារវិធានការទាំងនេះ