ព័ត៌មានអន្ដរជាតិ

កូរ៉េខាងជើងប្រហារជីវិតមនុស្ស ២នាក់ ក្រោយរំលោភវិធានការចត្តាឡីស័ករបស់ប្រទេស

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

មនុស្ស ២នាក់ ត្រូវបានរដ្ឋាភិបាលកូរ៉េខាងជើង សម្រេចប្រហារជីវិតជាសាធារណៈ ក្រោយរកឃើញថា ពួកគេបានប្រឆាំងវិធានការធ្វើចត្តាឡីស័កការពារជំងឺកូវីដ១៩។ នេះបើតាមការអះអាងពីវិទ្យុអាស៊ីសេរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ គឺសបញ្ជាក់ថា ទោះជារបបរដ្ឋឯកោកូរ៉េខាងជើង តែងតែអះអាងជាប្រទេសគ្មានករណីកូវីដ ១៩ សូម្បីតែម្នាក់ក្តី ប៉ុន្តែរដ្ឋភិបាលប្រទេសនេះ នៅតែបារម្ភខ្លាំងពីការរាតត្បាតយ៉ាងគ្រោះថ្នាក់នៃជំងឺកំណាចនេះដូចគ្នា។

គណៈកម្មាធិការកណ្តាល នៃបក្សពលករដែលកំពុងកាន់អំណាច បានដាក់ចេញវិធានការចត្តាឡីស័កបន្ទាន់ និងតឹងរឹងបំផុតដើម្បីការពារប្រទេសខ្លួនការរលករាតត្បាតកូវីដ ១៩។ នេះបើតាមការបញ្ជាក់ពីវិទ្យុអាស៊ីសេរី។

អ្វីដែលពួកគេកំពុងបារម្ភខ្លាំង គឺឈ្មួញខុសច្បាប់ជាច្រើន បានបន្តនាំទំនិញពីប្រទេសចិន ចូលទឹកដីកូរ៉េខាងជើង ដែលត្រូវគេចាត់ទុកជាប្រភពនាំចូលជំងឺកូវីដ ១៩ ដោយសារពួកគេបានប៉ះពាល់ជាមួយមនុស្សជាច្រើននៅក្រៅប្រទេស ខណៈមនុស្សដែលត្រូវគេកាត់ទោសប្រហារជីវិតកាលពីថ្ងចុងសប្តាហ៍មុន សុទ្ធសឹងជាអ្នកជំនួញខុសច្បាប់ ដោយសាររំលោភលើវិធានការធ្វើចត្តាឡីស័កកម្រិតខ្ពស់របស់ប្រទេសនេះ ដែលដាក់ចេញកាលពីថ្ងៃ ២០ វិច្ឆិកាកន្លងទៅ៕

ប្រែសម្រួល៖ សុភា
ប្រភព៖ The Korea Times

Related Topics: