ព័ត៌មានអន្ដរជាតិ
ទីក្រុង Rio de Janeiro លុបចោលពិធីអបអរឆ្លងឆ្នាំ ក្រោយរកឃើញ Omicron ៦ករណី
ប្រទេសប្រេស៊ីល បានលុបចោលការប្រារព្ធពិធីបុណ្យចូលឆ្នាំថ្មីដ៏ល្បីល្បាញរបស់ខ្លួន នៅក្នុងទីក្រុង Rio de Janeiro ដោយសារការភ័យខ្លាចថា ពិធីនេះអាចប្រែទៅជាព្រឹត្តិការណ៍បង្កការចម្លងរោគរីករាលដាល បន្ទាប់ពីមន្ត្រីសុខាភិបាលបានរាយការណ៍ករណីវីរុសបំប្លែងខ្លួន Omicron ចំនួនប្រាំមួយករណី កាលពីសប្តាហ៍មុន។

លោកអភិបាលក្រុង Eduardo Paes បានប្រកាសពីការសម្រេចចិត្តរបស់គាត់កាលពីថ្ងៃសៅរ៍ បើទោះបីជាធ្លាប់បានសន្យាថា នឹងអបអរពិធីឆ្លងឆ្នាំចូល២០២២ ជាមួយពិធីជប់លៀងធំបំផុតមិនធ្លាប់មាន ដោយមានការបាញ់កាំជ្រួច និងសិល្បករសម្តែងនៅលើឆាករាប់សិបកន្លែងទូទាំងទីក្រុងក៏ដោយ។
ប៉ុន្តែការប្រារព្ធពិធីប្រចាំឆ្នាំដែលទាក់ទាញអ្នកស្រុក និងអ្នកទេសចរមួយលាននាក់ នៅតាមបណ្តោយឆ្នេរសមុទ្រ Copacabana ត្រូវបានផ្អាកវិញ បន្ទាប់ពីទីក្រុងចំនួន២០ផ្សេងទៀត រួមទាំង São Paulo និង Salvador ផងដែរបានសម្រេចលុបចោលផែនការរបស់ពួកគេនៅថ្ងៃទី៣១ខែធ្នូ។

ទោះបីជាយ៉ាងណាក៏ដោយ ទីក្រុងពីរផ្សេងទៀតគឺ Florianópolis និង Recife នឹងបន្តរៀបចំព្រឹត្តិការណ៍ជាមួយការបាញ់កាំជ្រួចដូចដែលបានគ្រោងទុក ប៉ុន្តែមិនមានពិធីជប់លៀងទេ។
យ៉ាងណាក្តី គេមិនដឹងទេថាតើ រដ្ឋាភិបាលទីក្រុង Rio de Janeiro នឹងនៅតែបន្តជាមួយផែនការសម្រាប់ពិធីបុណ្យ Carnival ដ៏ល្បីល្បាញលើពិភពលោក នៅក្នុងខែមករាឬក៏អត់។

គួរបញ្ជាក់ថា ប្រទេសប្រេស៊ីល គឺជាចំណុចកណ្តាលនៃការផ្ទុះរោគរាតត្បាតនៅក្នុងតំបន់អាមេរិកឡាទីន ដែលមានអ្នកស្លាប់ដោយសារមេរោគឆ្លងចំនួន៦១៥,៦៣៦នាក់ ឈរនៅលំដាប់ទីពីរបន្ទាប់ពីសហរដ្ឋអាមេរិក។
ប្រេស៊ីលបានបញ្ជាក់ពីករណី Omicron ទីប្រាំមួយរបស់ខ្លួនកាលពីថ្ងៃសៅរ៍នៅទីក្រុង Santa Cruz do Sul បន្ទាប់ពីការធ្វើតេស្តវិជ្ជមានលើស្ត្រីប្រេស៊ីលម្នាក់ ដែលវិលត្រឡប់មកពីប្រទេសអាហ្វ្រិកខាងត្បូង៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចិន មិនរស់ជាមួយកូវីដទេ ហើយប្រាប់ឲ្យត្រៀមចាក់វ៉ាក់សាំង ពេញមួយជីវិត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ