ព័ត៌មានអន្ដរជាតិ
ក្រុមហ៊ុន Pfizer ស្វែងរកការយល់ព្រមជាបន្ទាន់សម្រាប់វ៉ាក់សាំងកូវីដ នៅក្នុងប្រទេសឥណ្ឌា
ទីប្រឹក្សាសុខភាពកំពូលរបស់រដ្ឋាភិបាលបាននិយាយនៅក្នុងបទសម្ភាសន៍តាមទូរទស្សន៍កាលពីថ្ងៃអាទិត្យថា ក្រុមហ៊ុន Pfizer Inc បានដាក់ពាក្យសុំការអនុញ្ញាតឲ្យប្រើប្រាស់ជាបន្ទាន់នូវវ៉ាក់សាំងប្រឆាំងជំងឺកូវីដ ១៩ របស់ខ្លួននៅក្នុងប្រទេសឥណ្ឌា ។
លោក V.K. Paul ដែលកំពុងផ្តល់យោបល់ដល់រដ្ឋាភិបាលលើបញ្ហាកូវីដ ១៩ បាននិយាយថា ក្រុមហ៊ុនអាមេរិកដែលវ៉ាក់សាំងត្រូវបានអនុម័តនៅក្នុងប្រទេសអង់គ្លេសកាលពីពេលថ្មីៗនេះបានទាក់ទងទៅអាជ្ញាធរឥណ្ឌាកាលពីថ្ងៃអាទិត្យ ។
លោក Paul បានប្រាប់ទូរទស្សន៍ NDTV ថា “យើងសូមស្វាគមន៍ចំពោះការចាប់អារម្មណ៍ពីក្រុមហ៊ុន Pfizer ដើម្បីស្នើសុំអាជ្ញាប័ណ្ណបន្ទាន់នៅក្នុងប្រទេសរបស់យើង ។ លោក Paul បាននិយាយថា និយតករឱសថរបស់ឥណ្ឌាជាធម្មតាចំណាយពេលដល់ទៅ ៩០ ថ្ងៃដើម្បីសម្រេចលើពាក្យសុំបែបនេះ ប៉ុន្តែការសម្រេចចិត្តលើវ៉ាក់សាំងរបស់ក្រុមហ៊ុន Pfizer អាចលឿនជាងនេះ ។ ខ្ញុំសង្ឃឹមថាបញ្ហានេះនឹងត្រូវបានសម្រេចឆាប់ៗ និងលឿនជាងនេះ” ។
ក្រសួងសុខាភិបាលមិនបានឆ្លើយតបនឹងសំណើសុំការអត្ថាធិប្បាយនោះទេ ខណៈមន្ត្រីរបស់ក្រុមហ៊ុន Pfizer នៅក្នុងប្រទេសឥណ្ឌាមិនអាចទាក់ទងសុំការអត្ថាធិប្បាយបានភ្លាមៗផងដែរ ។
លោក Paul បាននិយាយកាលពីខែវិច្ឆិកាថា វ៉ាក់សាំងដែលត្រូវបានអភិវឌ្ឍដោយក្រុមហ៊ុន Pfizer និងគូប្រជែង Moderna Inc ប្រហែលជាមិនមាននៅក្នុងប្រទេសឥណ្ឌាក្នុងបរិមាណដ៏ច្រើនឆាប់ៗនេះនោះទេ ។
វ៉ាក់សាំងរបស់ក្រុមហ៊ុន Pfizer ត្រូវរក្សាទុកនៅសីតុណ្ហភាពដក ៧០ អង្សាសេ ឬទាបជាងនេះ ខណៈសីតុណ្ហភាពនេះត្រូវបានអ្នកជំនាញឧស្សាហកម្មនិយាយថា ទូរទឹកកកជាច្រើននៅក្នុងប្រទេសឥណ្ឌានឹងពិបាករក្សាទុក ។
ប្រទេសឥណ្ឌាបានរាយការណ៍ថា មានករណីឆ្លងជំងឺកូវីដ ១៩ ច្រើនជាង ៩.៥៧ លានករណីដែលជាអត្រាខ្ពស់បំផុតទី ២ លើពិភពលោក បន្ទាប់ពីសហរដ្ឋអាមេរិក និងមានអ្នកស្លាប់ជិត ១៤០,០០០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ អង់គ្លេសបញ្ចេញវីដេអូដំបូងនៃវ៉ាក់សាំងដែលត្រៀមចាក់ឲ្យប្រជាជន ឃើញហើយរំភើបជំនួស
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៣ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ