ព័ត៌មានអន្ដរជាតិ

ធ្លាក់ឧទ្ធម្ភាគចក្រ សម្លាប់ឧត្ដមសេនីយ៍ និងមនុស្ស ១១ នាក់នៅ ឥណ្ឌា

បានផុស

៣ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

ប្រអប់ខ្មៅ របស់ឧទ្ធម្ភាគចក្រ ដែលបានធ្លាក់នោះ ត្រូវបានរកឃើញនៅថ្ងៃព្រហស្បតិ៍ នេះបើយោងតាមទីភ្នាក់ងារសារព័ត៌មានជាច្រើនរបស់ប្រទេសឥណ្ឌា បានដកស្រង់សម្ដីមន្ត្រីការពារជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គសេនាធិការការពារជាតិឥណ្ឌាបានបញ្ជាក់ថា ឧត្ដមសេនីយ៍ Bipin Rawat រួមទាំង ភរិយា និងមនុស្ស ១១ នាក់ផ្សេងទៀត បានកាលពីស្លាប់នៅថ្ងៃពុធ នៅ ក្នុងការធ្លាក់ឧទ្ធម្ភាគចក្រនៅ ជិតក្រុង Coonoor ក្នុងរដ្ឋ Tamil Nadu ។

គ្រោះថ្នាក់នេះ បានបន្សល់ទុកតែអ្នកនៅ រស់រានមានជីវិតតែម្នាក់គត់ គឺប្រធានក្រុម Varun Singh ដែលរងរបួសរលាកធ្ងន់ធ្ងរ ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យ។

យោងតាមរបាយការណ៍របស់សារព័ត៌មានឥណ្ឌា មានការធ្លាក់យន្តហោះយោធាប្រហែល ៤៩ នៅ ក្នុងប្រទេសឥណ្ឌានៅចន្លោះឆ្នាំ ២០១៣និង ២០២១ ជាមធ្យមចំនួន ៥.៤ ក្នុងមួយឆ្នាំ ដោយមានការធ្លាក់ចំនួន ៦ ដងក្នុងឆ្នាំនេះ ហើយអ្នកបើកបរយន្តហោះ ៣ នាក់បានស្លាប់ នៅ ក្នុងការធ្លាក់ចំនួន ៥ដងចុងក្រោយនេះ។

គួរបញ្ជាក់ថា ប៉ុន្មានឆ្នាំមកនេះ ការធ្លាក់យន្តហោះយោធាឥណ្ឌា បានកើតឡើងជាញឹកញាប់។ របាយការណ៍ដែលផ្ដល់ដោយក្រសួងការពារជាតិឥណ្ឌាដល់សភាក្នុងឆ្នាំ ២០១៨ ពន្យល់ថា មូលហេតុចម្បងនៃការធ្លាក់យន្តហោះយោធាគឺ កំហុសមនុស្ស ការបរាជ័យផ្នែកមេកានិច គុណវិបត្តិនៃការរចនា និងអាកាសធាតុជាដើម៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖វីដេអូ ស្ត្រីនៅញូវយ៉កស្លាប់ក្នុងរថយន្ត ក្រោយធ្លាក់ចូលទន្លេ