ព័ត៌មានអន្ដរជាតិ

ថៃ ជាប់ចំណាត់លេខ ៩ នៃសន្ទស្សន៍ហានិភ័យអាកាសធាតុសកល អាក្រក់បំផុតក្នុងប្រទេស

បានផុស

៣ years មុន

នៅ

ថ្ងៃសុក្រ ១០ ធ្នូ ២០២១

ដោយ

អាកាសធាតុនៅ ថៃ ត្រូវបានគេចាត់ទុកថា មានសភាពអាក្រក់ខ្លាំង ដែលប្រទេសនេះជាប់ចំណាត់ថ្នាក់លេខ ៩ នៃសន្ទស្សន៍ហានិភ័យអាកាសធាតុសកល ឆ្នាំ២០២១ និងរងផលប៉ះពាល់ខ្លាំងបំផុតដោយ “ព្រឹត្តិការណ៍អាកាសធាតុខ្លាំង” ចន្លោះឆ្នាំ ២០១០ ដល់ ២០១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាកាសធាតុដ៏អាក្រក់នេះ បានមកនូវព្យុះ ភ្លើងឆេះព្រៃ គ្រោះរាំងស្ងួត។ ជាពិសេសមានភ្លៀងធ្លាក់ខ្លាំង ក្នុងរដូវខ្យល់មូសុងរបស់ប្រទេសនេះ ត្រូវបានគេដឹងថា បណ្ដាលឲ្យមានទឹកជំនន់ធ្ងន់ធ្ងរ បំផ្លាញទ្រព្យសម្បត្តិ និងនាំឲ្យមនុស្សរងរបួស ជួនកាលស្លាប់ក៏មាន។

សន្ទស្សន៍នេះ បាននាំមកនូវចាត់ចំណាត់ថ្នាក់ប្រទេសកំពូលទាំង ១០ ដែលរងផលប៉ះពាល់ខ្លាំងបំផុត ដោយព្រឹត្តិការណ៍អាកាសធាតុខ្លាំងដូចជា ៖ ព័រតូរីកូ ,មីយ៉ាន់ម៉ា, ហៃទី, ហ្វីលីពីន ,ម៉ូសំប៊ិក ,បាហាម៉ាស បង់ក្លាដេស ,ប៉ាគីស្ថាន ថៃ និង នេប៉ាល់ ។

យោងតាមរបាយការណ៍បានឲ្យដឹងថា ព្យុះត្រូពិក ខ្យល់ព្យុះ និងទឹកជំនន់ គឺជាមូលហេតុចម្បងនៃការខូចខាតបរិស្ថានពិភពលោកក្នុងឆ្នាំ ២០១៩។ ទាំងនេះទំនងជាលទ្ធផលនៃការកើនឡើងសីតុណ្ហភាព។ ការិយាល័យគោលនយោបាយ និងផែនការធនធានធម្មជាតិ និងបរិស្ថានបាននិយាយថា ប្រទេសថៃចាំបាច់ត្រូវធ្វើបន្ថែមទៀត ដើម្បីកាត់បន្ថយព្រឹត្តិការណ៍អាកាសធាតុបំផ្លិចបំផ្លាញទាំងនេះ៕

ប្រែសម្រួល៖ សាង ស្រីល័ក្ខ

ប្រភព៖thethaige

ចុចអាន៖ថៃ មានសិទ្ធចូល អាល្លឺម៉ង់ លុះត្រាបំពេញលក្ខខណ្ឌនេះ ក្រោយដកចេញពីបញ្ជីប្រទេស មានហានិភ័យ