ថៃ ហាមអ្នកដំណើរតាមជើងហោះហើរមិនឲ្យពាក់ម៉ាសប្រភេទនេះ ដាច់ខាត

ក្រុមហ៊ុនអាកាសចរណ៍ថៃ Nok Air បានឲ្យដឹងថា ដើម្បីការពារហានិភ័យនៃការរីករាលដាលជំងឺកូវីដ ១៩ ក្នុងអំឡុងពេលហោះហើរ ការពាក់ម៉ាសនៅ លើយន្តហោះត្រូវបានតម្រូវជាចាំបាច់ ប៉ុន្តែបានហាមការពាក់ម៉ាសមួយប្រភេទ ។

អាជ្ញាធរក្រុមហ៊ុនបាននិយាយថា ឥឡូវនេះអាជ្ញាធរអាកាសចរណ៍ស៊ីវិលនៃប្រទេសថៃកំពុងបញ្ជាឲ្យក្រុមហ៊ុនអាកាសចរណ៍ទាំងអស់នៅ ក្នុងប្រទេសថៃ ហាមឃាត់ការពាក់ម៉ាសដែលមានសន្ទះបិទបើក ។

អាជ្ញាធរក៏បានបន្ថែមដែរថា អ្នកដំណើរ និងអ្នកបើកយន្តហោះគួរតែពាក់ម៉ាសពេទ្យ ឬម៉ាសក្រណាត់សម្រាប់ជើងហោះហើរទាំងមូល ។

ពាក់ព័ន្ធនឹងបញ្ហានេះ យោងតាមអង្គការសុខភាពពិភពលោក (WHO) បានឲ្យដឹងថា ម៉ាសដែលមានសន្ទះបិទបើកមិនសមនឹងពាក់ក្នុងអំឡុងពេលកូវីដ ១៩ ទេ ដោយសារសន្ទះបិទបើកអាចជាច្រកចេញចូលសម្រាប់ភាគល្អិតនៃមេរោគ ៕

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ គ្រូពេទ្យជំនាញ ថៃ ថា កុំភ័យស្លន់ស្លោចំពោះ Omicron ព្រោះវាជា ធម្មជាតិវដ្តជីវិតវីរុស (មានវីដេអូ)