ព័ត៌មានអន្ដរជាតិ

កង្វះគិលានុបដ្ឋាកជាសកលកាន់តែអាក្រក់នៅពេលកូវីដចូលឆ្នាំទី៣

បានផុស

៣ years មុន

នៅ

ថ្ងៃសៅរ៍ ១១ ធ្នូ ២០២១

ដោយ

ក្រុមប្រឹក្សាគិលានុបដ្ឋាកអន្តរជាតិបាននិយាយកាលពីថ្ងៃសុក្រថា ចំនួនគិលានុបដ្ឋាកទូទាំងពិភពលោកបានកំពុងថយចុះថែមទៀត ស្របពេលវីរុសបំប្លែងខ្លួនថ្មី Omicron បានរាតត្បាតយ៉ាងឆាប់រហ័ស ហើយបន្តឈានចូលឆ្នាំទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកប្រតិបត្តិក្រុមប្រឹក្សាគិលានុបដ្ឋាកអន្តរជាតិប្រចាំនៅទីក្រុងហ្សឺណែវ លោក Howard Catton បាននិយាយថា ៖«គិលានុបដ្ឋាកជាច្រើនបានរងគ្រោះពីជំងឺកូវីដ-១៩ និងអត្រានៃការចាកចេញនៅឆ្នាំនេះបានកើនឡើងទ្វេដងគឺពី២០ទៅ៣០%»។ ក្រុមប្រឹក្សានេះមានគិលានុបដ្ឋាកជាសមាជិកប្រមាណ២៧លាននាក់ពីសមាគមគិលានុបដ្ឋាកជាតិ១៣០ទូទាំងពិភពលោក។

លោកមានប្រសាសន៍ថា ៖«ខ្ញុំគិតថា យើងស្ថិតនៅក្នុងចំណុចទាញមួយ…ប្រសិនបើចំនួនទាំងនោះនៅតែបន្តធ្លាក់ចុះ វាអាចជាការចេញទាំងក្រុម»។

«ខ្ញុំស្ទើរតែគិតថា រដ្ឋាភិបាលត្រូវការគិតអំពីកញ្ចប់ជំនួយជីវិតនៃវិធានការដែលពួកគេត្រូវការដាក់បញ្ចូលគ្នាដើម្បីវិនិយោគគិលានុបដ្ឋាក និងបុគ្គលិកថែទាំសុខភាពរបស់ពួកគេនៅឆ្នាំក្រោយ»។

យ៉ាងហោចណាស់ គិលានុបដ្ឋាក១១៥០០០នាក់បានបាត់បង់ជីវិតដោយសារកូវីដ-១៩ ប៉ុន្តែលោក Catton បាននិយាយថា ទិន្នន័យរបស់អង្គការសុខភាពពិភពលោកដែលគិតពីពេលកូវីដចាប់ផ្តើមរហូតដល់ខែឧសភាគឺប្រហែលជាវាយតម្លៃទាប ហើយចំនួនពិតប្រាកដប្រហែលជាពីរដង។

លោកបន្ថែមថា ពិភពលោកខ្វះគិលានុបដ្ឋាកចំនួន៦លាននាក់ហើយ និងគិលានុបដ្ឋាកចំនួន៤.៧៥លាននាក់នឹងចូលនិវត្តរ៍ក្នុងរយៈពេលពីរបីឆ្នាំខាងមុខ។

លោក Howard Catton ឲ្យដឹងថា ជាមធ្យម ប្រទេសអ្នកមានមានអត្រាគិលានុបដ្ឋាកជិត១០ដងនៃចំនួនប្រជាជនរបស់ពួកគេ ធៀបនឹងប្រទេសក្រីក្រ ប៉ុន្តែប្រទេសជាច្រើនកំពុងជ្រើសរើសបុគ្គលិកក្រៅប្រទេសដើម្បីមន្ទីរពេទ្យរបស់ពួកគេ។ ក្នុងនោះមានប្រទេសហ្វីលីពីន និងឥណ្ឌាមានទម្លាប់ជ្រើសរើសបុគ្គលិកពេទ្យមកពីក្រៅប្រទេស៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩