ព័ត៌មានអន្ដរជាតិ

ព្រោះទណ្ឌកម្មពីលោកខាងលិច សុខាភិបាលអាហ្វហ្គានីស្ថានជិតដួលរលំ

បានផុស

៣ years មុន

នៅ

ថ្ងៃអង្គារ ១៤ ធ្នូ ២០២១

ដោយ

ផ្នែកដ៏ធំនៃប្រព័ន្ធសុខាភិបាលរបស់ប្រទេសអាហ្វហ្គានីស្ថានស្ថិតនៅមាត់ជ្រោះនៃការដួលរលំ ដោយសារតែទណ្ឌកម្មពីប្រទេសលោកខាងលិចប្រឆាំងនឹងពួកតាលីបង់។ នេះជាការព្រមានពីអ្នកជំនាញអន្តរជាតិ ស្របពេលប្រទេសនេះប្រឈមនឹងការផ្ទុះជំងឺ និងគ្រោះទុរភិក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានវិបត្តិអត់ឃ្លានយ៉ាងធ្ងន់ធ្ងរចាប់តាំងពីតាលីបង់កាន់អំណាចកាលពីខែសីហាចំពេលមានការកើនឡើងនៃគ្រោះទុរភិក្ស និងការដួលរលំសេដ្ឋកិច្ច បុគ្គលិកសុខាភិបាលជាច្រើនមិនទទួលបានប្រាក់ចំណូលជាច្រើនខែ ហើយមន្ទីរពេទ្យកាន់តែខ្វះបរិក្ខាដើម្បីព្យាបាលអ្នកជំងឺ។

លោកវេជ្ជបណ្ឌិត Paul Spiegel នាយកមជ្ឈមណ្ឌលសុខភាពមនុស្សធម៌នៅសាកលវិទ្យាល័យ Johns Hopkins បានលើកឡើងថា ដំណើរទស្សនកិច្ចរយៈពេល៥សប្តាហ៍ទៅកាន់អាហ្វហ្គានីស្ថានកាលពីពេលថ្មីៗ លោកបានឃើញមន្ទីរពេទ្យរដ្ឋដែលផ្គត់ផ្គង់ជនងាយរងគ្រោះបំផុតកំពុងខ្វះប្រេងឥន្ធនៈ ថ្នាំ ផលិតផលអនាម័យ និងសម្ភារៈចាំបាច់ជាច្រើនទៀត។

លោកថា ការឆ្លើយតបជំងឺកូវីដ-១៩ស្ទើរតែឈានដល់ការឈប់ និងបានអំពាវនាវឲ្យមានការឆ្លើយតបប្រកបដោយភាពច្បាស់លាស់ពីទណ្ឌកម្មរបស់ប្រទេសខាងលិចដើម្បីបញ្ចៀសគ្រោះមហន្តរាយសុខភាពសាធារណៈកាន់តែអាក្រក់។

លោក Spiegel ដែលជាអតីតប្រធានសុខភាពសាធារណៈនៅ ឧត្តមស្នងការជាន់ខ្ពស់អង្គការសហប្រជាជាតិទទួលបន្ទុកជនភៀសខ្លួនបាននិយាយថា ៖«វាពិតជាអាក្រក់ណាស់ ហើយវានឹងរឹតតែធ្ងន់ធ្ងរខ្លាំងឡើង»។

«មានការផ្ទុះជំងឺ៦យ៉ាងគឺ ជំងឺអាសន្នរោគ កញ្ជ្រឹលដ៏ធំ ប៉ូលីយ៉ូ គ្រុនចាញ់ និងគ្រុនឈាមដែលទាំងនេះបន្ថែមលើជំងឺកូវីដ-១៩»។ លោកបានបញ្ជាក់។

លោកបានបន្តទៀតថា ផ្នែកប្រព័ន្ធសុខាភិបាលបឋមមួយចំនួនបានកំពុងទទួលមូលនិធិតាមរយៈគម្រោងពីរទសវត្សរ៍ហើយ ប៉ុន្តែផ្នែកជាច្រើនទៀតគ្មានទទួលបានការឧបត្ថម្ភឡើយ សូម្បីតែមន្ត្រីសុខាភិបាល អង្គការអន្តរជាតិ និងអង្គការក្រៅរដ្ឋាភិបាលត្រូវបានឲ្យចាប់ផ្តើមកម្មវិធីឡើងវិញក៏ជាប់គាំង បន្ទាប់ពីតាលីបង់កាន់កាប់អំណាច។

ការលើកឡើងរបស់លោកបានឆ្លុះបញ្ចាំងពីកង្វល់កំពុងកើនឡើងជុំវិញការដួលរលំនៃប្រព័ន្ធសុខាភិបាលទូទាំងប្រទេសអាហ្វហ្គានីស្ថានដែលមានប្រជាជន២៣លាននាក់។ កាន់តែធ្ងន់ធ្ងរទៀតនៅគឺបញ្ហាសេដ្ឋកិច្ចរបស់ប្រទេសនេះ ត្រូវបាន IMF ព្រមានពីការធ្លាក់ចុះប្រមាណ៣០% និងប្រជាជនកាន់តែច្រើនធ្លាក់ចូលក្នុងភាពក្រីក្រ។

លោក Dave Michalski ប្រធានកម្មវិធីរបស់អង្គការ«វេជ្ជបណ្ឌិតគ្មានព្រំដែន»នៅអាហ្វហ្គានីស្ថានកាលពីសប្តាហ៍មុនបាននិយាយថា ទំនងជាពលរដ្ឋអាហ្វហ្គានីស្ថានត្រូវការព្យាបាល ប៉ុន្តែមិនអាចរកបាន សូម្បីតែកម្រិតសេវាដែលមានក៏កំពុងថយចុះ៕

ប្រែសម្រួល៖ វីរបុត្រ
ប្រភព៖ theguardian

Related Topics:ប្រទេសអាហ្វហ្គានីស្ថាន