វៀតណាម ដឹកពលរដ្ឋខ្លួនទៅប្រទេសវិញជាង ២០ ម៉ឺននាក់

លោកឧបនាយករដ្ឋមន្ត្រី Pham Binh Minh បានប្រាប់ឲ្យដឹងថា ប្រទេសវៀតណាមបានរៀបចំជើងហោះហើរចំនួន ៨០០ ដើម្បីដឹកពលរដ្ឋខ្លួនជាង ២០០,០០០ នាក់ ចាប់តាំងពីជំងឺរាតត្បាតបានផ្ទុះឡើង ។

ឧបនាយករដ្ឋមន្ត្រីបាននិយាយថា បន្ថែមពីលើការបញ្ជូនជើងហោះហើរដើម្បីនាំយកពលរដ្ឋដែលជាប់គាំងនៅ ក្រៅ ប្រទេសក្នុងអំឡុងពេលនៃជំងឺរាតត្បាត វៀតណាមក៏បានជួយដល់ពលរដ្ឋជាង ៥០,០០០ នាក់ នាវាចំនួន ១,០០០ គ្រឿង និងអ្នកនេសាទជិត ១០,០០០ នាក់ផងដែរក្នុងរយៈពេល ៥ ឆ្នាំចុងក្រោយនេះ ។

គួរបញ្ជាក់ថា នៅ ថ្ងៃពុធ ទី១៥ ខែធ្នូ នេះ វៀតណាមនឹងបើកជើងហោះហើរដំណាក់កាលទី ១ ឡើងវិញរវាងប្រទេសខ្លួន និងទីក្រុង San Francisco ឬទីក្រុង Los Angeles នៅ សហរដ្ឋអាមេរិក សិង្ហបុរី បាងកកប្រទេសថៃ ទីក្រុងភ្នំពេញនៃព្រះរាជាណាចក្រកម្ពុជា ទីក្រុងវៀងចន្ទន៍ប្រទេសឡាវ ទីក្រុងប៉េកាំងប្រទេសចិន ទីក្រុងតូក្យូប្រទេសជប៉ុន ទីក្រុងសេអ៊ូលប្រទេសកូរ៉េខាងត្បូង និងទីក្រុងតៃប៉ិរបស់តៃវ៉ាន់ ។

ចំណែកដំណាក់កាលទី ២ នៃការបើកជើងហោះហើរឡើងវិញនឹងចាប់ផ្តើមនៅ ខែមករាឆ្នាំក្រោយ ដោយបន្ថែមជើងហោះហើរលើផ្លូវដែលតភ្ជាប់ប្រទេសវៀតណាម និងទីក្រុងកូឡាឡាំពួរប្រទេសម៉ាឡេស៊ី ហុងកុង ទីក្រុងប៉ារីសប្រទេសបារាំង ទីក្រុង Frankfurt ប្រទេសអាល្លឺម៉ង់ ទីក្រុងស៊ីដនីប្រទេសអូស្ត្រាលី និងទីក្រុងមូស្គូប្រទេសរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ ដល់ថ្ងៃឱសានវាទ វៀតណាម ដឹកពលរដ្ឋខ្លួននៅ កម្ពុជា និងប្រទេសមួយចំនួនទៅ វិញហើយ