Breaking News! អគ្គិភ័យកំពុងឆាបឆេះ មជ្ឈមណ្ឌលពាណិជ្ជកម្មពិភពលោក ហុងកុង 

មនុស្សរាប់រយនាក់ កំពុងជាប់នៅក្នុងមជ្ឈមណ្ឌលពាណិជ្ជកម្មពិភពលោករបស់ទីក្រុងហុងកុង បន្ទាប់ពីមានអគ្គិភ័យនៅថ្ងៃពុធនេះ។

កាសែត South China Morning Post បានរាយការណ៍ថា មនុស្សជាង៣០០នាក់ កំពុងជាប់នៅលើដំបូលអគារ ហើយយ៉ាងតិច៤នាក់បានរងរបួស។

អគ្គិភ័យ​បាន​ឆាបឆេះ​នៅវេលា​ម៉ោង ១២ និង ៣៧ នាទីថ្ងៃត្រង់ ក្នុងបន្ទប់គ្រប់គ្រងចរន្តអគ្គិសនី មុនពេលរីករាលដាលកាន់តែធំឡើងៗ។

ដោយដកស្រង់សម្តីមន្ត្រីប៉ូលិសនៅកន្លែងកើតហេតុ សារព័ត៌មាន Citizen News បានរាយការណ៍ថា ចំនួនមនុស្សដែលជាប់នៅលើដំបូលមានរហូតដល់ទៅ៣៥០នាក់ ហើយមនុស្ស ១០០នាក់ផ្សេងទៀត កំពុងរង់ចាំការជួយសង្គ្រោះនៅជាន់ទី៥។

ភ្លើងឆេះនៅតែកំពុងបន្ត ហើយកម្រិតប្រកាសអាសន្នត្រូវបានបង្កើន ខណៈក្រុមពន្លត់អគ្គិភ័យព្យាយាមជួយសង្គ្រោះមនុស្សមួយចំនួន ដោយប្រើជណ្តើរសង្គ្រោះបន្ទាន់។

មនុស្សចំនួន១៥០នាក់ ត្រូវបានជម្លៀសចេញពីអគារកម្ពស់៣៨ជាន់មួយនេះ នៅក្នុងសង្កាត់ Causeway Bay៕

ប្រែសម្រួល៖ Vann Vann

ប្រភព៖ Al Jazeera 

ចុចអាន៖ ផ្ទុះឃ្លាំងស្តុកសារធាតុគីមីដ៏ខ្លាំងក្លានៅឥណ្ឌា សម្លាប់មនុស្ស ១២ នាក់