ព័ត៌មានអន្ដរជាតិ

ប្រទេសអាស៊ានមួយទៀតហើយរកឃើញអ្នកឆ្លង Omicron

បានផុស

៣ years មុន

នៅ

ថ្ងៃពុធ ១៥ ធ្នូ ២០២១

ដោយ

នាយកដ្ឋានសុខាភិបាល (DOH) បាននិយាយនៅ ថ្ងៃពុធនេះថា ប្រទេសហ្វីលីពីនបានរកឃើញករណីនាំចូលនៃវីរុសកូវីដបំប្លែងខ្លួន Omicron ចំនួន ២ ករណីដំបូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

DOH បាននិយាយនៅ ក្នុងសេចក្តីថ្លែងការណ៍មួយថា ករណីវីរុសបំប្លែងខ្លួន Omicron ចំនួន ២ ករណីដែលបានរកឃើញពីសំណាកចំនួន ៤៨ កាលពីថ្ងៃអង្គារ បច្ចុប្បន្នត្រូវបានដាក់ឲ្យនៅ ដាច់ដោយឡែកពីគេនៅ ក្នុងកន្លែងធ្វើចត្តាឡីស័ក ។

សារព័ត៌មាន Philippine Daily Inquirer បានរាយការណ៍ថា មនុស្សម្នាក់គឺជាជនជាតិហ្វីលីពីនត្រឡប់មកពីក្រៅប្រទេសដែលបានមកដល់ប្រទេសជប៉ុនតាមជើងហោះហើររបស់ក្រុមហ៊ុនអាកាសចរណ៍ហ្វីលីពីនកាលពីថ្ងៃទី ១ ខែធ្នូ ។

DOH បាននិយាយថា “បច្ចុប្បន្នអ្នកឆ្លងមិនបង្ហាញរោគសញ្ញានោះទេ ប៉ុន្តែមានរោគសញ្ញានៃជំងឺផ្តាសាយ និងក្អកនៅ ពេលមកដល់” ។

ចំណែកម្នាក់ទៀតជាជនជាតិនីហ្សេរីយ៉ា ដែលមកពីប្រទេសនីហ្សេរីយ៉ា កាលពីថ្ងៃទី៣០ ខែវិច្ឆិកា តាមជើងហោះហើររបស់ក្រុមហ៊ុនអាកាសចរណ៍ Oman Air ខណៈស្ថានភាពបច្ចុប្បន្នរបស់អ្នកឆ្លងម្នាក់នេះក៏មិនបង្ហាញរោគសញ្ញាផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ The Straits Times

ចុចអាន ៖ WHO ព្រមានថា Omicron កំពុងរាលដាលលឿនជាងវីរុសបំប្លែងខ្លួនមុនៗ