លិចទូកនៅម៉ាឡេស៊ី ស្លាប់ជនចំណាកស្រុកឥណ្ឌូណេស៊ី ១១ នាក់ ខណៈ ២៥ នាក់ បាត់ខ្លួន

ជនចំណាកស្រុកឥណ្ឌូណេស៊ីចំនួន ១១ នាក់បានស្លាប់ និង ២៥ នាក់ កំពុងបាត់ខ្លួន បន្ទាប់ពីទូកមួយបានលិចកាលពីថ្ងៃពុធអំឡុងពេលមានព្យុះនៅភាគខាងត្បូងប្រទេស ម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនឥណ្ឌូណេស៊ីដែលកំពុងស្វែងរកការងារធ្វើ បានព្យាយាមជិះទូកឆ្លងដែនខុសច្បាប់ចូលប្រទេសជិតខាង ម៉ាឡេស៊ី ហើយគ្រោះថ្នាក់តែងតែកើតឡើង។

ឆ្មាំសមុទ្រនិយាយថា ទូកដែលត្រូវបានគេជឿថា ដឹកជនចំណាកស្រុកចំនួន ៥០ នាក់បានលិចនៅពេលព្រឹក ជិតរដ្ឋ Johor ភាគខាងត្បូងប្រទេសម៉ាឡេស៊ី។

ទាហាន​ដែល​កំពុង​ល្បាត ​បាន​រក​ឃើញ​សាកសព​បុរស​ប្រាំពីរ​នាក់​និង​ស្ត្រី​បួន​នាក់​នៅឆ្នេរ​សមុទ្រ។ មនុស្ស១៤នាក់ទៀត ត្រូវបានរកឃើញនៅរស់ បន្ទាប់ពីការធ្វើដំណើរពីកោះឥណ្ឌូណេស៊ីក្បែរនោះ ហើយត្រូវបានចាប់ខ្លួន។

អ្នកបាត់ខ្លួនទាំងអស់ ត្រូវបានគេជឿថាបានហែលទៅរកកន្លែងលាក់ខ្លួន ឬលង់ទឹកស្លាប់ ហើយអាជ្ញាធរបានដាក់ពង្រាយទូក និងយន្តហោះដើម្បីតាមប្រមាញ់ពួកគេ៕

ប្រែសម្រួល៖ Vann Vann

ប្រភព៖ Daily Times

ចុចអាន៖ លិចទូកដឹកជនភៀសខ្លួន ស្លាប់មនុស្ស៣១នាក់ នៅដៃសមុទ្រ អង់គ្លេស