WHO ជឿជាក់ថា កូវីដនឹងអស់នៅឆ្នាំក្រោយ

លោកស្រី Maria Van Kerkhove អ្នកដឹកនាំបច្ចេកទេសនៃអង្គការសុខភាពពិភពលោក (WHO) បាននិយាយកាលពីថ្ងៃពុធថា សហគមន៍ពិភពលោកមានមធ្យោបាយដើម្បីយកឈ្នះយ៉ាងពេញលេញនូវជំងឺរាតត្បាតកូវីដ ១៩ នៅ ឆ្នាំ ២០២២ ។

លោកស្រី Van Kerkhove បាននិយាយក្នុងអំឡុងពេលផ្សាយផ្ទាល់មួយថា “ឆ្នាំ ២០២២ គឺជាឆ្នាំដែលយើងអាចបញ្ចប់ជំងឺរាតត្បាតកូវីដ ១៩” ។

លោកស្រីបញ្ជាក់ថា “ឥឡូវនេះយើងមានឧបករណ៍គ្រប់ដើម្បីកាត់បន្ថយការរីករាលដាល ការសម្រាកព្យាបាលនៅ មន្ទីរពេទ្យ និងការស្លាប់ពីកូវីដ” ។

គួរបញ្ជាក់ថា វាកើតឡើង ស្របពេលដែល WHO បានចាប់ផ្តើមយុទ្ធសាស្រ្តរបស់ខ្លួនដើម្បីសម្រេចនូវការចាក់វ៉ាក់សាំងការពារកូវីដ ១៩ ជាសកលឲ្យបាន ៧០ ភាគរយនៃប្រជាជនក្នុងប្រទេសនីមួយៗនៅ ពាក់កណ្តាលឆ្នាំ ២០២២ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ WHO ព្រមានថា Omicron កំពុងរាលដាលលឿនជាងវីរុសបំប្លែងខ្លួនមុនៗ