ព័ត៌មានអន្ដរជាតិ

ប្រទេសអាស៊ាន១ទៀតរកឃើញអ្នកឆ្លង Omicron ក្លាយជាប្រទេសអាស៊ានទី៦

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

ប្រទេសឥណ្ឌូណេស៊ីបានរកឃើញករណីឆ្លងវីរុសកូវីដ-១៩បំប្លែងខ្លួនថ្មី Omicron លើកទី១។ នេះបើតាមរដ្ឋមន្ត្រីក្រសួងសុខាភិបាលឥណ្ឌូណេស៊ីលោក Budi Gunadi Sadikin បានឲ្យដឹងនៅថ្ងៃព្រហស្បតិ៍ ទី១៦ ខែធ្នូនេះ។

ករណីឆ្លងវីរុសថ្មីទី១នេះត្រូវបានរកឃើញកាលពីល្ងាចថ្ងៃពុធជាបុគ្គលិកនៅមន្ទីរពេទ្យ Wisma Atlet ក្នុងទីក្រុងហ្សាការតាដែលមិនមានប្រវត្តិធ្វើដំណើរទៅក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងសុខាភិបាលបាននិយាយថា រហូតដល់ពេលនេះមិនទាន់មានការឆ្លងចូលសហគមទេ ប៉ុន្តែមានករណី Omicron ៥ទៀតដែលសង្ស័យ ក្នុងនោះជនឥណ្ឌូណេស៊ី២នាក់ដែលទើបវិលមកពីសហរដ្ឋអាមេរិក និងជនជាតិចិន៣នាក់ដែលកំពុងធ្វើចត្តាឡីស័ក។

រហូតមកដល់ពេលនេះវីរុសបំប្លែងខ្លួន Omicron ដែលត្រូវបានរកឃើញដំបូងនៅ អាហ្វ្រិកខាងត្បូងបានរាលដាលដល់ប្រទេសអាស៊ានចំនួន៦ ហើយ ក្នុងនោះមានសិង្ហបុរី ម៉ាឡេស៊ី ថៃ កម្ពុជា ហ្វីលីពីន និងថ្មីបំផុតឥណ្ឌូណេស៊ី៕

អានបន្ថែម៖ ប្រទេសអាស៊ាន ៥ ហើយរួមទាំង កម្ពុជា រកឃើញ Omicron

ប្រែសម្រួល៖ វីរបុត្រ
ប្រភព៖ reuters