នាវាចម្បាំងអាមេរិក បាញ់អាវុធឡាស៊ែរកម្ទេចគោលដៅ ក្នុងឈូងសមុទ្រ Aden ចំពេលមានភាពតានតឹង

កងទ័ពជើងទឹកអាមេរិកបានប្រកាសកាលពីថ្ងៃពុធថា ខ្លួនបានបាញ់កាំជ្រួចឡាស៊ែរ ដើម្បីកម្ទេចគោលដៅអណ្តែតទឹកនៅក្នុងផ្លូវទឹកមជ្ឈិមបូព៌ា ដែលជាកន្លែងក្រុមឧទ្ទាមយេម៉ែនគាំទ្រដោយអ៊ីរ៉ង់ បានប្រើប្រាស់ទូកគ្មានមនុស្សបើក ផ្ទុកដោយគ្រឿងផ្ទុះ ដើម្បីគំរាមកំហែងនាវា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសាកល្បង ដែលធ្វើឡើងដោយជោគជ័យកាលពីថ្ងៃអង្គារ ត្រូវបានគេមើលឃើញនាវា USS Portland បាញ់ប្រព័ន្ធអាវុធឡាស៊ែរ ដាក់គោលដៅនៅក្នុងឈូងសមុទ្រ Aden ដែលពុះចែកតំបន់អាហ្វ្រិកខាងកើត ពីឧបទ្វីបអារ៉ាប់។

ប្រព័ន្ធរបស់កងនាវាទី៥មានមូលដ្ឋាននៅមជ្ឈិមបូព៌ារបស់កងទ័ពជើងទឹកនេះ អាចត្រូវបានប្រើដើម្បីទប់ទល់នឹងទូកគ្មានមនុស្សបើក ដែលប្រើប្រាស់ដោយពួកឧទ្ទាម Houthi របស់យេម៉ែន។

ក្រុម Houthi បានដាក់ពង្រាយទូកផ្ទុកដោយគ្រាប់បែក ដែលអាចបញ្ជាពីចម្ងាយ និងបញ្ជូនទៅកាន់គោលដៅមុនពេលបំផ្ទុះ។ ទូក​គ្មានមនុស្សបើកទាំងនោះ ​ត្រូវ​បាន​គេ​សង្ស័យ​ថា ​សាងសង់​ឡើង​ដោយ​មាន​ជំនួយ​ពី​ប្រទេស​អ៊ីរ៉ង់។

កងទ័ពជើងទឹកអាមេរិកបាននិយាយនៅក្នុងសេចក្តីថ្លែងការណ៍មួយថា “ក្នុងអំឡុងពេលសាកល្បង អាវុធ (LWSD) Mark 2 MOD 0 នៅលើនាវា Portland បានទទួលជោគជ័យក្នុងការបាញ់ចំគោលដៅអណ្តែតលើផ្ទៃទឹក”។

នាវា Portland ធ្លាប់បានសាកល្បងអាវុធ LWSD ក្នុងខែឧសភាឆ្នាំ២០២០ នៅពេលដែលវាបានធ្វើឲ្យយន្តហោះគ្មានមនុស្សបើកតូចមួយគ្រឿង ដំណរការលែងកើតប្រកបដោយជោគជ័យ ខណៈបំពេញប្រតិបត្តិការនៅក្នុងមហាសមុទ្រប៉ាស៊ីហ្វិក។

ប្រព័ន្ធ​ភ្ជាប់​មក​ជាមួយ​ថ្មី​នេះ​ គឺបង្កើត​ឡើង​លើ​អតីត​ប្រព័ន្ធ​អាវុធ​ឡាស៊ែរ៣០គីឡូវ៉ាត់ ដែល​ត្រូវ​បាន​ប្រើ​ក្នុង​ការ​សាកល្បង​ឆ្នាំ២០២០៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ នាវាដឹកយន្តហោះកងទ័ពជើងទឹកអាមេរិកចាប់ផ្តើមធ្វើសមយុទ្ធដ៏កម្រនៅសមុ ទ្រចិនខាងត្បូងឡើងវិញ