អ្នកស្លាប់ដោយសារកំពូលព្យុះទីហ្វុងនៅ ហ្វីលីពីន កើនដល់ជិត ៤០០នាក់ (មានវីដេអូ)

មនុស្សយ៉ាងតិច ៣៧៥នាក់ឥឡូវនេះ ត្រូវបានគេដឹងថាស្លាប់ បន្ទាប់ពីព្យុះដ៏ខ្លាំងមួយ វាយប្រហារប្រទេសហ្វីលីពីន ចាប់តាំងពីថ្ងៃព្រហស្បតិ៍សប្តាហ៍មុនមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំពូលព្យុះទីហ្វុង Rai ដែលមានខ្យល់បក់ល្បឿនប្រហែល ១៩៥គីឡូម៉ែត្រក្នុងមួយម៉ោង បានបង្ខំមនុស្សប្រហែល ៤០០,០០០ នាក់ រត់រកសុវត្ថិភាពនៅពេលវាវាយប្រហារ ប្រជុំកោះភាគអាគ្នេយ៍របស់ប្រទេស។

ស្របពេលជាមួយគ្នានោះដែរ មនុស្សប្រមាណ៥០០នាក់បានរងរបួស និង៥៦នាក់ទៀតត្រូវបានរាយការណ៍ថា បាត់ខ្លួន។

មាន​ការ​ភ័យ​ខ្លាចថា បំណាក់ដីច្រើនកន្លែង និង​ទឹក​ជំនន់ ​អាច​ឆក់​យក​ជីវិត​មនុស្ស​បន្ថែម​ទៀត។

សហព័ន្ធកាកបាទក្រហម និងសង្គមអឌ្ឍចន្ទក្រហមអន្តរជាតិ បានចាប់ផ្តើមការអំពាវនាវជាបន្ទាន់ ស្វែងរកទឹកប្រាក់២២លានដុល្លារអាមេរិក ដើម្បីផ្តល់មូលនិធិដល់កិច្ចខិតខំប្រឹងប្រែងសង្គ្រោះរយៈពេលវែង។

ទាហាន ឆ្មាំឆ្នេរសមុទ្រ និងអ្នកពន្លត់អគ្គិភ័យរាប់ពាន់នាក់ ត្រូវបានដាក់ពង្រាយនៅក្នុងតំបន់ដែលរងផលប៉ះពាល់ខ្លាំងបំផុតរបស់ប្រទេសនេះ ដើម្បីជួយដល់កិច្ចខិតខំប្រឹងប្រែងស្វែងរក និងជួយសង្គ្រោះ។

យន្តហោះយោធា និងនាវាកងទ័ពជើងទឹក ក៏កំពុងនាំយកជំនួយទៅកាន់តំបន់ដែលរងគ្រោះខ្លាំងជាងគេផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ៣ប្រទេសនៅអាស៊ីអាគ្នេយ៍ កំពុងជួបគ្រោះមហន្តរាយខុសៗគ្នា