ព័ត៌មានអន្ដរជាតិ
មន្ត្រីអ៊ីរ៉ង់បដិសេធពាក្យចចាមអារ៉ាមអំពីសុខភាពយ៉ាប់យ៉ឺននៃមេដឹកនាំកំពូលរបស់ខ្លួន
មន្ត្រីជិតស្និទ្ធនឹងមេដឹកនាំកំពូលអ៊ីរ៉ង់លោក Ayatollah Ali Khamenei បានបដិសេធពាក្យចចាមអារ៉ាមនៅលើបណ្តាញសង្គមកាលពីថ្ងៃចន្ទថា សុខភាពរបស់បុរសវ័យ ៨១ ឆ្នាំរូបនេះកាន់តែយ៉ាប់យ៉ឺន ។
មន្រ្តីជិតស្និទ្ធលោក Mehdi Fazaeli បាននិយាយនៅលើបណ្តាញសង្គម Twitter ថា “តាមរយៈព្រះគុណរបស់ព្រះជាម្ចាស់ និងដោយការអធិស្ឋានល្អៗពីសំណាក់ប្រជាជន លោក Ayatollah Khamenei មានសុខភាពល្អ ហើយកំពុងមមាញឹកអនុវត្តផែនការតាមទម្លាប់របស់គាត់” ។
លោក Fazaeli បានធ្វើការនៅក្នុងការិយាល័យផ្សព្វផ្សាយការងាររបស់លោក Khamenei ។ ការសរសេររបស់លោកក៏ត្រូវបានភ្នាក់ងារព័ត៌មានពាក់កណ្តាលផ្លូវការ Fars របស់អ៊ីរ៉ង់រាយការណ៍ផងដែរ ។
សេចក្តីថ្លែងការណ៍អំពីសុខភាពរបស់លោក Khamenei ហាក់ដូចជាការឆ្លើយតបទៅនឹងរបាយការណ៍របស់អង្គភាពព័ត៌មានជាច្រើនដែលសំដៅទៅលើការសរសេរលើ Twitter របស់អ្នកសារព័ត៌មានជាភាសាអារ៉ាប់ដែលបាននិយាយថា លោក Khamenei បានផ្ទេរភារកិច្ចឲ្យកូនប្រុសរបស់គាត់ដោយសារតែសុខភាពរបស់គាត់ ។
លោក Khamenei បានបម្រើការជាមេដឹកនាំកំពូលចាប់តាំងពីឆ្នាំ ១៩៨៩ ជាមួយនឹងការនិយាយចុងក្រោយលើបញ្ហារដ្ឋទាំងអស់ ខណៈដែលសុខភាពរបស់គាត់គឺជាប្រធានបទដ៏ក្ដៅគគុកជាច្រើនឆ្នាំមកហើយ ។
ទន្ទឹមនោះមន្ត្រីសន្តិសុខម្នាក់នៅអ៊ីស្រាអែលដែលតាមដានព្រឹត្តិការណ៍នានានៅក្នុងប្រទេសអ៊ីរ៉ង់ដែលជាសត្រូវរបស់ខ្លួនបានប្រាប់ Reuters ថា “យើងដឹងអំពីពាក្យចចាមអារ៉ាមទាំងនេះ ហើយចាត់ទុកវាជាពាក្យចចាមអារ៉ាមតែប៉ុណ្ណោះ” ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ អ្នកវិទ្យាសាស្ត្រអ៊ីរ៉ង់ Mohsen Fakhrizadeh ត្រូវបានធ្វើឃាតដោយមានជំនួយពីឧបករណ៍ផ្កាយរណប
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ