ព័ត៌មានអន្ដរជាតិ

ទឹកជំនន់អាក្រក់បំផុតនៅម៉ាឡេស៊ី ឆក់យកជីវិតមនុស្ស ១៤នាក់ (មានវីដេអូ)

បានផុស

៣ years មុន

នៅ

ថ្ងៃអង្គារ ២១ ធ្នូ ២០២១

ដោយ

មនុស្សចំនួន១៤នាក់បានស្លាប់ និងរាប់ម៉ឺននាក់ត្រូវបានជម្លៀស បន្ទាប់ពីគ្រោះទឹកជំនន់ដ៏អាក្រក់បំផុតមួយ ដែលប្រទេសម៉ាឡេស៊ីមិនធ្លាប់ជួបសោះ ក្នុងរយៈពេលប៉ុន្មានទសវត្សរ៍មកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀងធ្លាក់យ៉ាងគំហុករយៈពេលបីថ្ងៃកាលពីចុងសប្តាហ៍ បានបណ្តាលឲ្យមានទឹកជំនន់យ៉ាងធ្ងន់ធ្ងរនៅក្នុងរដ្ឋចំនួនប្រាំបី ដោយបានជន់លិចទីក្រុង និងភូមិនានា។

មនុស្សជាច្រើន ត្រូវបានរាយការណ៍ថាបាត់ខ្លួន ហើយការភ័យខ្លាចកាន់តែខ្លាំងថា ចំនួនអ្នកស្លាប់នឹងកើនឡើងច្រើន។

គិតត្រឹមថ្ងៃចន្ទ មនុស្សប្រមាណ៥១,០០០នាក់ ត្រូវបានជម្លៀសចេញពីផ្ទះរបស់ពួកគេ។ ពួកគេភាគច្រើនមកពី Pahang នៅឆ្នេរសមុទ្រភាគខាងកើតប្រទេសម៉ាឡេស៊ី ដែលជារដ្ឋមួយក្នុងចំណោមរដ្ឋដែលរងគ្រោះខ្លាំងជាងគេ។

រដ្ឋ Selangor ដែលជារដ្ឋរីកចម្រើន និងមានប្រជាជនច្រើន ក៏រងផលប៉ះពាល់ធ្ងន់ធ្ងរផងដែរ។

រូបភាពដែលផ្សព្វផ្សាយតាមអ៊ីនធើណិត បានបង្ហាញពីផ្នែកខ្លះនៃទីក្រុង គួឡាឡាំពួ លិចទឹកកាលពីចុងសប្តាហ៍ ក្នុងកម្រិតដែលមិនធ្លាប់មានសោះ ចាប់តាំងពីទឹកជំនន់ដ៏ធំក្នុងឆ្នាំ ១៩៧១មក។

ស្របពេលជាមួយគ្នានោះ រដ្ឋាភិបាលបានរងនូវការរិះគន់យ៉ាងខ្លាំង ជុំវិញភាពយឺតយ៉ាវរបស់ខ្លួន ក្នុងការឆ្លើយតបចំពោះគ្រោះមហន្តរាយនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អ្នកស្លាប់ដោយសារកំពូលព្យុះទីហ្វុងនៅ ហ្វីលីពីន កើនដល់ជិត ៤០០នាក់